Bazar, 03 İyul 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

"Qanım qırmızıymış, ana!"- Hikmət Nikbin

Hikmət Nikbin 90-cı illər ədəbi nəslinin istedadlı nümayəndələrindəndir. İxtisasca politoloqdur.
Müntəzəm olaraq mətbuatda ictimai-siyasi yazıları, esseləri, şeirləri ilə çıxış edir.
Bir neçə kitabın həmmüəlliflərindəndir.


***
...tapa bilmirdi ovcunu,
barmaqlarını dəniz.
...əllərini aparmışdı göy üzü,
sərmişdi buludları üstünə.

...ovunmurdu dişsiz stəkanlar da
qırdıqları göz yaşına.
Dua etməyə qulaqları da yox!..

Kiminsə əlləri bulaşıb günaha,
kimsə gizlədir əllərini arxasında,
mənimsə əllərim danışır:
- Küləklər əsir edə bilməmişdi
söndürsə də gözünün odunu.

...üzünün cizgilərisə sürgün edirdi
sahilə ləpələri.

...Ay işığı,
batan Günəş,
ulduzların kölgəsi
evidir dənizin!


***
...qapını döyən qonağın
sevdiyim qızıymış, ana!
...qanımı axıdıb bildim,
qanım qırmızıymış, ana!

...qanımı qara bilmişdim
gülümün gözləri kimi.
...yaralıyam, "bəlkə"siz O,
məni dirildən həkimim!

Ana, salam söylədinmi
qonağa əziz qulundan?!
Heç ürəyi döyündümü,
söhbət saldımı oğlundan?!

O qıza olan eşqimi
niyə səndən danım, ana!
...sevib bildim atəş kimi
qırmızıymış qanım, ana!


***
...hanı pəncərən, divarın-
bu nə evdi, dar ağacı?!
...eşqə sadiq qəlbin barı
səni sevdi, dar ağacı.

...ana, bacı qarğışısan!
Boyun artar, boyun çıxar?
...görmüsənmi heç yaşından
kürsünə bir qoyun çıxa.

...ömürləri yeyən zalım,
keçinmək müşküldü sənsiz!
Min ilnən yeriyən zalım,
dünya çiçək, güldü sənsiz!

...sazsız - sözsüz bir havasan,
haqq - hesab çəkənin də yox!
Bu evini nə daşlayan,
nə də bir sökənin də yox.

Hikmət Nikbin

pia.az 


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

Vasif Talıbov Kərəm Mustafayevi olmayan nişanla təltif edib

Azərbaycan hərbçisinin ölümü ilə bağlı cinayət işi başlanılıb

Prezident İlham Əliyev “Təmiz Şəhər” ASC ilə bağlı Fərman verdi

Məşhur rus alim vətənə xəyanətdə şübhəli bilinərək həbs edildi

Azərbaycan Ordusunun hərbi qulluqçusu vəfat edib

Nəsimi rayonunda Polis günü münasibətilə tədbir keçirilib

Ən çox oxunanalar