“Polisin üstünə zibil atmaq, aşağılamaq yolverilməzdir”...
PİA.az xəbər verir ki, bunu Haqqin.az və Virtualaz.org saytlarının təsisçisi Eynulla Fətullayev sosial şəbəkədə yazıb. O, Yasamalda polisə zibil atma hadisəsinə münasibət bildirərək deyib ki, belə vətəndaşlara qarşı ən sərt cəza verilməlidir, ən sərt münasibət sərgilənməlidir.
“Bütün dünya pandemiya rejiminə tabe olur, amma dünyanın gözündə bizi rəzil duruma salan bəzi mədəniyyətsiz, ləyaqətsiz, insan libasını itirmiş şəxs və ya Yasamal uşağı sadə həqiqəti dərk etmək istəmir!
Ölmək istəyirsən, öl! Cəhənnəmə öl! Amma mənim və yaxınlarımın həyatına təhlükə yaradırsan, ay zalım!!! Yoluxacaqsan və camaatı yoluxduracaqsan!
Məncə, polis çox yumşaq davranıb! Belə şərəfsiz insanları döyə-döyə həbs etmək lazım idi. Kim sənə haqq verib ki, qanunun tələbini icra edən polisin üstünə zibil atasan?
Bu məsələdə həddən ziyadə sərt və barışmaz olmaq lazımdır!”, - deyə jurnalist bildirib.
Eynulla Fətullayevin bu paylaşımından sonra sosial şəbəkə istifadəçiləri onu sərt tənqid ediblər. Bu tənqidlər jurnalistin paylaşdığı statusun altında da yer alıb.(Yeni Sabah)
pia.az