"Bu mənim Azərbaycana ilk səfərimdir. Əməkdaşlığımızı möhkəmləndirmək və davam etdirmək üçün bir çox sahələr var”
Bunu jurnalistlərə açıqlamasında Amerika Birləşmiş Ştatlarının Avropa Komandanlığının rəhbəri, general Frederik Ben Hodces deyib.
General Frederik Ben Hodces vurğulayıb ki, Azərbaycan Əfqanıstanda keçirilən sülhməramlı əməliyyatlara dəstək verir: “Bu fakt artıq onun əyani sübutudur ki, Azərbaycan məhz gücləndirilmiş təhlükəsizlik və sabitliyə çox böyük maraq göstərir. ABŞ və Azərbaycan hərbi sahədə uzun illərdir tərəfdaş kimi fəaliyyət göstəriblər. Bizim hərbçilərimiz Əfqanıstanda çiyin-çiyinə qulluq ediblər. Buna görə Azərbaycana təşəkkürümü bildirmək istəyirəm”.
Azərbaycana səfərinin məqsədi barədə danışan ABŞ generalı bildirib ki, səfərinin məqsədlərindən biri Azərbaycanın yüksək çinli hərbçiləri ilə bilavasitə şəxsi əlaqələr yaratmaqdır.
pia.az