Çinin “Xiaomi” şirkəti özünün “Mi Band 3” smart bilərziyinin rəsmi təqdimatını keçirib
Lent.az-ın “Engadget” saytına istinadən verdiyi xəbərə görə, yeni cihaz populyar model “Mi Band 2”ni əvəz edəcək. Cihazın ekranı əvvəlki versiya ilə müqayisədə böyükdür, təsvir daha dəqiqdir. Şirkətdən bildiriblər ki, yeni model suya dözümlüdür və istifadəçilər üçün komfortludur.
“Mi Band 3” əvvəlcə Çində satışa çıxarılacaq. Cihaz qara, qırmızı və göy rənglərdə hazırlanıb. Təxmini qiymət 169 yuandır.
Bilərzikdən əlavə, “Xiaomi” yeni smartfonu “Mi 8”i də təqdim edib. Smartfon zahirən “iPhone X”a bənzəyir və “Android” bazasında çalışır. Cihaz “Qualcomm Snapdragon 845” çipi ilə təchiz olunub. Yaddaş həcmi 6 Gb-dir. Çəkisi 175 qramdır. “Mi 8” əvvəlcə Çində satışa çıxarılacaq, sonra Avropa bazarına göndəriləcək.
pia.az