Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Şərur” MTK-nın açıq zirzəmisi azyaşlını şikəst etdi - Video


“Azyaşlı övladım bir neçə gün əvvəl binanın, uzun müddətdir ağzı açıq qalan 4 metr dərinlikdəki zirzəmisinə yıxlıb. Uşağın qolu, omba sümüyü sınıb. Həkimlər deyir, müalicəsi burada mümkün deyil. Bir neçə gün keçməsinə baxmayaraq, nə övladımla maraqlanan var, nə də zirzəminin ağzını bağlayan”


Keçmiş “Muray” MMC, indiki “Şərur” MTK-nın Yeni Yasamal qəsəbəsi, Məhəmməd Xiyabanı küçəsi, 200 ünvanda inşa etdiyi binanın sakini Tələt Eyyub oğlu Qədirov Aktual.az-a danışarkən, bu fikirləri deyib.

O, qeyd edib ki, müharibə veteranıdır və bir neçə gün ərzində uşağının müalicəsinə 3 000 manat xərcləyib.
Xəsarət almış uşağın valideyni-Tələt Qədirovun dediklərinin daha ətraflı videogörüntüsünü Sizə təqdim edirik:

Binanın digər sakinləri də şirkət rəhbərliyindən şikayət edirlər ki, artıq bir neçə vaxtdır yaşadıqları bina, tam olaraq, təhvil verilmir. Dəfələrlə öz etirazlarını bildirsələr də, nə qaz nə də yol problemləri öz həllini  tapmayıb:
“Yolumuz pis vəziyyətdədir. Maşınla gedib-gəlmək mümkün deyil. Şirkət rəhbərliyi məsuliyyəti öz üzərindən atır. Dəfələrlə  yığışmışıq, etiraz etmişik. Bir dəfə də olsun, şirkətin rəhbərliyi ilə görüşə bilməmişik. Su pulunu bizdən kommersiya qiyməti ilə alırlar. İşıq sayğaclarını zirzəmidə bir otağa yığıb, ağzını bağlayıblar, işıq pulunu öz istəklərinə uyğun alırlar bizdən. Qaz sayğacları qoyulub, xətlər çəkilib, qaz verilmir binaya. Hər ay külli miqdarda işıq pulu veririk. Kasıb adamlarıq. Nəyə görə bizi əsarət altında saxlamalıdır şirkət rəhbərliyi?”
 
Vətəndaşlar qeyd edirlər ki, hər gün bina sakinləri ölümlə üzə-üzə gəlirlər. Bizim də qeydə aldığımız video və fotolardan görünür ki,  gediş-gəliş üçün nəzərdə tutulan pilləkanlərin kənarı çox təhlükəli vəziyyətdədir. Yaşlı insanlar, uşaqlar buradan yıxılsalar, ən azı, sağlamlıqlarını itirməli olacaqlar.
Binada yaşayanların sözlərinə görə,  şirkət rəhbərliyi etiraz edən sakinlər üçün xüsusi cəza tədbirləri müəyyən edib. Belə ki, kim “səsini çıxarır”sa, onun evinə elektrik enerjisinin verilişi dayandırılır. Sakinlərdən, mənzil haqqı kimi, aylıq olaraq, hər kvadrat metr üçün 0.3 AZN pul yığılır. Vətəndaşlar isə artıq bu pulu ödəməyəcəklərini deyirlər.



Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Politoloq: Ukraynadan sonra növbəti qurban Ermənistan seçiləcək...

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Sumqayıtda xəstəxananın həyətində aşkarlanan körpə meyiti ilə bağlı araşdırma aparılır - Yenilənib  

Bakıda və üç rayonda qazın verilişində məhdudiyyət olacaq

Ən çox oxunanalar