Çempionlar Liqasının pley-off mərhələsi çərçivəsində sabah baş tutacaq “Kopenhagen” – “Qarabağ” matçından öncə mətbuat konfransı keçirilib
“Qafqazinfo” xəbər verir ki, konfransda sualları cavablandıran “Qarabağ”ın baş məşqçisi Qurban Qurbanov oyunun çox çətin keçəcəyini deyib:
“İlk dəqiqələrdən rəqib pressinq edəcək və bu oyunda daha çox güc sərf etməliyik. Rəqib azarkeşlərin dəstəyi ilə yaxşı nəticə qazanmağa çalışacaq. Bunun qarşısını almaq üçün meydana çıxacağıq. Sabah bizi ağır oyun gözləyir. Şansımız var və bu şansdan maksimum istifadə etməyə çalışacağıq”.
Qeyd edək ki, “Kopenhagen” – “Qarabağ” matçı Bakı vaxtı ilə saat 22:45-də başlayacaq. Bakıda keçirilən ilk oyunda təmsilçimiz 1:0 qalib gəlmişdi.
pia.az