S.C Pişəvəri adına Respublika Humanitar Fənlər Gimnaziyasının direktorundan ilginc şikayət...
S.C Pişəvəri adına Respublika Humanitar Fənlər Gimnaziyasının direktoru Səbinə Turabova barədə Moderator.az-a şikayət daxil olub.
Adının açıqlanmasını istəməyən valideyn yeni direktor Səbinə Turabovanın məktəbə direktor təyin olunmasından sonra qeyri-adi üsullara əl atdığını bildirib:
“Səbinə Turabova şagirdləri zənglərarası fasiləyə buraxmır, tualetə getməyə qoymur. Məktəbin tualeti bərbad vəziyyətdədir. Direktor da çıxış yolu kimi, şagirdləri tualetə buraxmır. Bu çıxış yolu deyil axı. Şagirdlərdən hətta bir neçəsi, üzr istəyirəm, sinifdə özlərini saxlaya bilməyiblər. Bundan başqa, uşaq məktəbdən evə gələndən danışmır, susur. Şagirdlərə psixoloji təzyiq göstərirlər. Səbinə Turabova məktəbdə əli çubuqlu gəzir”.
Adını açıqlamaq istəməyən valideyn ən gənc məktəb direktorunun rüşvətə rəvac verdiyini də sözlərinə əlavə edib...
Xatırladaq ki, 29 yaşlı Səbinə Turabova cəmisi bir neçə gün əvvəl təhsli naziri Mikayıl Cabbarov tərəfindən həmin təhsil ocağına direktor təyin edilib.
Səsləndirilən ittihamlarla bağlı qarşı tərəfin də mövqeyini işıqlandırmağa hazırıq.
Digərxəbərlər
Populyar xəbərlər
