Xəbər verdiyimiz kimi, müğənni Eldəniz Məmmədov “5/5” verilişində aşıq Əli Tapdıqoğlu və Samirə Əliyeva haqqında açıqlama verib
Sənətçi bildirib ki, aşıqlar müqavilə bağlayıb və heç kim başqası ilə duet oxuya bilməz.
Ə.Tapdıqoğlu Axşam.az-a açıqlamasında məsələyə münasibət bildirib. O deyib ki, Samirə ilə bir-birlərinə söz veriblər:
“Rəsmi müqaviləmiz yoxdur. Amma bir-birimizə söz vermişik ki, oxumayacağıq. Əvvəl bir il vaxt qoymuşduq. İndi 1 il bitib, amma bizim duet ortaqlığımız hələ də davam edir. Kağız üzərindəki imzanın heç bir önəmi yoxdur. Biz Samirə ilə aramızda söz kəsdik. Buna əməl də edirik.
İlk vaxtlar duet oxumağa başlayanda o qədər təklif aldıq ki... İnsanlarda adət var, bir qadağanı görəndə, üstünə getməyə çalışırlar. Bizim də bir-birimizə qoyduğumuz qadağanı görəndə çoxlarına maraqlı gəldik. Amma nə mən, nə də Samirə duet təklifini qəbul etdi. Buna görə bizdən inciyən də olmadı. Başa düşdülər ki, iş müqaviləmiz var”.
pia.az