ABŞ prezidenti Donald Trampın İŞİD-lə mübarizə naminə Suriyada bəzi istəklərindən vaz keçərək geri çəkilməsi ölkə mətbuatında geniş tənqid mövzularından biridir
Siyasi ekspertlər ABŞ-ın dünyadakı hökmranlığını təmsil edən prinsiplərdən geri çəkilmək niyyətini onun qlobal liderlik statusunun itirilməsi ilə əlaqələndirirlər.
Ölkənin nüfuzlu mətbu orqanlarından sayılan The Daily Beast qəzetində Çarlz Lister imzasıyla gedən məqalədə Ağ Ev administrasiyasının Suriyadakı siyasəti sərt tənqid olunub.
Müəllif D.Trampın guya İŞİD-lə mübarizə adı altında Suriyadakı bəlaların baş baiskarı olan Bəşər Əsəd rejiminin legitimliyini tanımasının doğru olmadığını yazıb.
Bunun yerinə isə Rusiya Suriyada “deskalasiya zonaları” adı altında uzunmüddətli startegiya ilə Suriyada və Aralıq dənizində möhkəmləməyə davam edir. Ekspertin rəyinə görə, Rusiya cəbhədəki dondurulmuş zonalar vasitəsilə Əsəd rejiminin qələbəsini təminat altına alır.
“Suriyadakı məhdud faəliyyəti qəbul edən ABŞ Rusiya və İran qarşısında məğlubiyyətə uğradığını etiraf etmiş olur”, - müəllif yazır.
Картинки по запросу trump syria russia
Lester ABŞ-ın Suriyadakı strategiyasının ən böyük probleminin qısamüddətlilik olduğunu söyləyərək bunun zərərlərini sadalayıb:
1. Öz fəaliyyətini sadəcə terrorçuluğa qarşı mübarizə ilə məhdudlaşdıran ABŞ yenə də məntiqsiz hərəkət edir. Guya böhranın simptomlarını yatırmağa cəhd edərək, əslində onun əsl kökünün (Əsəd rejiminin) qalmasına izn verir.
2. ABŞ İŞİD-dən geri alının torpaqlarda uzunmüddətli sabitliyin təmin olunması üçün heç bir resurs ortaya qoymur. Yeni administrasiya Vaşinqtonun yekunda Əsəd rejiminin həmin rayonlarda hakimiyyətini bərpa edəcəyini gözləyir. Müəllifin fikrincə, bu, ABŞ-ın müdafiə etdiyi bütün mənəvi-əxlaqi dəyərlərlə ziddiyyət təşkil edir və İŞİD kimi qrupların yenidən xortlamasına şərait yaratmaqdan başqa bir şeyə yaramır.
3. ABŞ Rusiyanın deskalasiya zonalarının yaradılması ilə bağlı təşəbbüslərinə dəstək verməklə Moskvanın regionun bütün oyunçularına, xüsusilə də Əsədin özü və İrana təsir göstərməsi üçün əlavə rıçaqlar verir.
4. ABŞ tərəfindən Əsəd rejiminin qalibiyyətinə səssiz razılıqla birlikdə məhdud əksterror startegiyasına əl atılması İranın böyük zəfər əldə etdiyini göstərir.
Картинки по запросу US syrian opposition
Müəlif bütün bunlara rəğmən ABŞ-ın Suriyada Əsəd rejiminə alternativ üçün imkanlarının çox olduğunu düşünür: "ABŞ Suriyadakı situasiyaya daha uzunmüddətli taktika ilə yanaşmalı və bunu öz inandığı əxlaqi dəyərlər çərçivəsində həyata keçirməlidir. Bunun üçün maksimal olaraq demokratik müxalifətin iştirakı ilə nizamasalma ideyası fikrini gündəmdə tutmaq lazımdır”.
pia.az