Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Rusiya Suriyada öz potensialını tükədib və ABŞ-la nə edəcəyini bilmir”


Aleksandr Jelenin

Rosbalt.ru, 07.04.2017


Birləşmiş Ştatlar “Rusiya ilə hərbi toqquşma həddindədir” – Dmitri Medvedyev Amerika ordusunun Bəşər Əsəd qoşunlarının istifadə etdiyi aviabzaya hava zərbəsinə bu cür bəyanatla reaksiya verib. “Vəssalam. Seçkiqabağı dumanın qalıqları dağıldı. Tramp administrasiyası əsas düşmən İŞİD-lə birgə mübarizə barədə tirajlanmış tezisin əvəzinə sübut etdi ki, Suriyanın qanuni hökuməti ilə amansız mübarizə aparacaq” – Rusiya hökuməti başçısı “facebook” sosial şəbəkəsindəki səhifəsində belə yazıb.

ABŞ HDQ-nin Aralıq dənizində baza salmış USS Ross və USS Porter iki esminesi Suriyanın şimalındakı Şayrat aviabazasına 59 “tomaqavk” qanadlı raketi buraxıb. Bu əməliyyat haqda əmr vermiş ABŞ prezidenti Donald Trampın bildirdiyi kimi, şübhə yoxdur ki, Suriya hökumət qoşunları İdlib əyalətində kimyəvi silah işlədib. Tramp deyib ki, bununla yanaşı “Bəşər Əsədin davranışını dəyişmək cəhdləri heç nəyə səbəb olmayıb” və Suriyada axan qanı durdurmaq üçün “bütün sivil xalqları” ABŞ-a qoşulmağa çağırıb.

ABŞ və Kanada İnstitutu Yaxın Şərq münaqişələri analizinin Mərkəzinin direktoru Aleksandr Şumilin hesab edir ki, ABŞ-ın raket zərbəsindən sonra Suriyada hadisələrin inkişafı növbəti addımlardan asılı olacaq.

Ekspertin fikrincə, Suriya hökumət qüvvələrinin aviabazasına “tomaqavklar”la zərbə qısamüddətli perspektivdə Rusiya-Amerika münasibətlərinə mənfi təsir edəcək, uzunmüddətli perspektivdə isə hər şey hadisələrin sonrakı inkişafından asılı olacaq.

Onun sözlərinə görə, problem bundadır ki, hazırda “hər şeyin və hər kəsin yenidən dəyərləndirilməsi baş verir”. Şumilin izah edir: “ABŞ prezidenti Donald Tramp Əsədə və Rusiyanın Suriyadakı roluna münasibətini yenidən nəzərdən keçirib, Vladimir Putin isə İranSuriya prezidenti Bəşər Əsədlə münasibətlərini yenidən qiymətləndirir – uzunmüddətli planda bütün bunlar müəyyən dərəcədə məqsədəuyğun və səmərəlidir”.

Ekspert hesab edir ki, indi Moskvanın amerikalıların onun müttəfiqinə hücumuna nə ilə cavab verəcəyi məsələsi durur, “çünki Rusiya Suriyada öz potensialını tükədib və Birləşmiş Ştatlarla toqquşmaya hesablanmayıb”.  Onun fikrincə, Moskvada amerikalıların bu hərəkətinə necə cavab verəcəklərini hələlik anlamırlar.

Şumilin deyir: “Ehtimal ki, Rusiya tərəfdən hansısa rəmzi jestlər gözləmək mümkündür, amma bütün bunlar tərəflərin ən yaxın vaxtlarda atacağı addımlarla müəyyən olunacaq. Bu əməliyyat ABŞ və şəxsən Tramp üçün son dərəcə uğurludur, lakin Putin və Rusiya üçün nəyin uğurlu olacağını demək çətindir. Siyasətçilərin deyil, generalların məntiqi – zərbəyə zərbə cavabı üstün gəlsə, onda hər şey məhv olacaq”.

Politoloq Aleksey Makarkin qeyd edir ki, “ABŞ prezidenti Donald Trampın dönəmində Rusiya-Amerika münasibətlərinin gündəliyi indiyədək tərtib edilməyib. Suriya problemi üzrə onlarla razılaşmağın mümkün olub-olmayacağı qətiyyən aydın deyildi”.

Onun sözlərinə görə, Rusiyada Trampla bağlı ilkin gözləntilər çox sürətlə sovrulub, lakin əvvəllər hesab edilirdi ki, “Suriyada terrorizmlə mübarizə məsələsi iki ölkəni yaxınlaşdıra bilər, xüsusən də ona görə ki, demokratlardansa Trampda Suriya prezidenti Bəşər Əsədin fiqurasına daha praqmatik yanaşma var idi”.

Makarkinin sözlərinə görə, Amerika “tomaqavklar”ı ilə Suriyaya zərbədən sonra “hər şey kəskin şəkildə dəyişilib, aydındır ki, Suriya üzrə razılığa gəlmək artıq mümkün olmayacaq. Başqa kəskin məsələlər, məsələn, Ukrayna və nüvə silahı üzrə də nikbin heç nə yoxdur”.

Politoloq deyir: “Rusiya-Amüerika münasibətlərində inam problemi  var. Bu, Obama dövründə aşağı səviyyədə idisə, hazırda daha da aşağı düşüb, çünki Rusiya hesab edir ki, Amerika Suriyaya qarşı təcavüz aktı həyata keçirib. Digər tərəfdən, Amerikada düşünürlər ki, Rusiya Əsədi müdafiə edir və bunun xatirinə kimyəvi hücum haqda dünya ictimaiyyətini aldadır”.
(Tərcümə Strateq.az)

pia.az



Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

Azneft”in baş direktoru vəzifəsindən azad edildi - Yeni təyinat

Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı

Qurban Qurbanov hərəkətlərinə fikir verməyən futbolçunu cərimələdi

Ən çox oxunanalar