"Roma" itki ilə üzləşib
PİA.AZ goal.az-a istinadən xəbər verir ki, paytaxt klubunun müdafiəçisi Kostas Manolas sıradan çıxıb. Yunan futbolçu İtaliya A seriyasının 8-ci turu çərçivəsində keçirilən "Napoli" ilə ev oyununda (0:1) zədələnib. Komandanın baş məşqçisi Eusebio De Françesko Manolasın Çempionlar Liqasının "Chelsea" ilə səfər matçını buraxacağını qeyd edib.
"Praktiki olaraq, Manolasın "Chelsea"yə qarşı oynaması mümkün deyil. O, Mertenslə toqquşduqdan sonra zədə alıb. Fikrimcə, Çempionlar Liqasının növbəti oyununda onun xidmətindən istifadə edə bilməyəcəyik". Manolas sentyabrın 27-də Bakıda baş tutan "Qarabağ" - "Roma" (1:2) qarşılaşmasında qollardan birini vurmuşdu.
pia.az