Son günlərdə dostum, məhbəs yoldaşım Rauf Arifoğlunun ətrafında baş verənləri nəzərə alaraq, mövqe bildirməyi zəruri bildim
İlk olaraq, Rauf Arifoğluna qarşı qaldırılmış “xəyanətkar damğası vurma” kampaniyasını çox mənfi dəyərləndirdiyimi bildirirəm.
Rauf Arifoğlunun siyasi fəaliyyətdən uzaqlaşma və tənqidçi jurnalistika istiqamətində təmərküzləşmə seçim hüququnu tanıyıram.
Rauf Arifoğlunun əməkdar jurnalist kimi təltif olunmasına gəldikdə, qeyd etməliyəm ki, Rauf bəy mahiyyətcə ölkədə müasir jurnalistikanın formalaşmasına verdiyi böyük töfhəyə görə, bu adı faktiki olaraq illərdir ki, daşıyır. Və bunun rəsmiləşdirilməsinin qəbul etməsini ölkə mediasının mövcud böhranlı durumdan xilası üçün etdiyi manevr kimi qiymətləndirirəm.
Bununla yanaşı, bildirməliyəm ki, Rauf Arifoğlunun milli-mənəvi dəyərlərin təbliğinə və inkişafına verdiyi böyük töhfələr danılmazdır.
İnanıram ki, Rauf Arifoğlu əqidəsinə və prinsiplərinə sadiqdir və strateji olaraq, heç bir geriləməyə yol verməyəcək. Əksinə, yaranmış vəziyyətdə, həmişə olduğu kimi, ölkədəki demokratik potensialın artırılması istiqamətində və mövcud ictimai-siyasi durumun müsbətə doğru dəyişməsi yönündə əzm və təpər sərgiləyəcəkdir.
Sonda dostum Rauf Arifoğlunu qarşıdan gələn ad günü münasibətilə təbrik edirəm və ona Uca Allahdan xeyirli aqibət diləyirəm.(deyerler.org)
pia.az