ARB TV-nin “Gəlin danışaq” verilişinin qonağı şair Seyran Səxavət olub
Axşam.az xəbər verir ki, şairin həyat yoldaşı Almaz Xanlarovanın qəfildən efirə gəlməsi onu təəccübləndirib.
S.Səxavətin həyat yoldaşı onunla tanışlıq illərindən danışıb:
“Həm də dilçi, psixa linqivistka üzrə elmlər doktoruyam. Bu da sözlə bağlıdı. Gələndə biraz həyəcanlandım ki, Seyran müəllimdən icazə almamışam. Onunla tanış olanda inistitutun sonuncu kursunda oxuyurdum. Heç ağlıma da gəlməzdi ki, Seyran müəllim həyat yoldaşım olacaq. Sonra tale elə gətirdi ki, bizim ailəmiz oldu”.
A.Xanlarova şairlə keçdiyi çətin günlərindən söz açıb:
“Elə qəribə sınaqlardan çıxmışıq ki... Rayondan gəlmiş insan idi, kirayədə yaşayırdı. Evlənəndə pulumuz o qədər də çox deyildi deyə 1 otaqlı balaca ev tutmuşduq. Otağın ortasından gücüm çatan parçadan pərdə asmışdım, üstünə də kağızla yazmışdım ki, Seyran müəllimin iş otağıdır, daxil olmaq olmaz. Uşaqlar ağılları kəsəndən sonra deyirdim ki, atanın kabinetidir, o tərəfə keçmək olmaz. Qızımın 10 yaşı olanda qayıtdı ki, mən heç vaxt yazıçıya ərə getməyəcəm. Bu nə həyatdır, televizorun, radionun səsini vermək, bərkdən yerimək, qələminə əl vurmaq olmaz.
Ona rast gələndə o şeirə nöqtə qoydu və keçdi prozaya. Təzə evlənəndə ilk kirayə qaldığımız evdə 15 günün içində dalbadal 5 möhtəşəm hekayə yazdı. Yazılarının içində bəyənmədiyim yazı yoxdur".
pia.az
Digərxəbərlər
Populyar xəbərlər
