“Biz bunu diqqəti daxili problemlərdən yayındırmaq üçün demirik. Aprel ayından başlayaraq bildiririk ki, təmas xəttinin qarşı tərəfində qoşunların toplanması və aktivlik müşahidə olunur.”
Bunu Dağlıq Qarabağdakı qondarma rejimin sözçüsü David Babayan söyləyib.
Növbəti dəfə təxribat xarakterli bəyanatla çıxış edən qondarma rejim təmsilçisi erməni mətbuatına açıqlamasında bildirib ki, guya “DQR”-də heç bir daxili problem yoxdur və onları narahat edən yeganə məsələ Azərbaycan tərəfinin mümkün hərbi hücumudur.
“Bəzi şəxslər, həmçinin erməni adı ilə yazan Azərbaycan vətəndaşları bizim fikrimizi yayındırmaq istəyirlər. Biz isə deyirik ki, 2016-cı ilin aprelindən bu yana ilk dəfədir ki, qoşunların bu cür toplanmasını müşahidə edirik”.
Separatçı rejimin sözçüsü ermənilərin Azərbaycan rəhbərliyinin bəyanatlarına diqqət yetirməli olduğunu xüsusi vurğulayıb. Jurnalistlərin suallarına cavab olaraq D.Babayan bildirib ki, qoşunların toplanması aprel döyüşlərinin təkrarlanmasını mümkün edir və Azərbaycan tərəfinin hücuma keçməsini istisna etmirlər.(AzPolitika.info)
pia.az
Digərxəbərlər
Populyar xəbərlər
