"Qarabağ" avrokuboklarda 10-cu dəfə böyük hesabla uduzub
PİA.AZ apasport.az-a istinadən xəbər verir ki, Ağdam təmsilçisi bu dəfəki darmadağına İtaliyada üzülüb.
Avropa Liqasının qrup mərhələsinin II turunun "Fiorentina" ilə Florensiyadakı matçında 1:5 hesabı ilə uduzan təmsilçimiz bunadək 9 dəfə belə yenilgi almışdı.
Yubiley - 10-cu ağır məğlubiyyətini alan "Qarabağ" sonuncu dəfə 1890 gün əvvəl böyük hesabla uduzmuşdu. Həmin vaxt ağdamlıları "Brügge" üstələmişdi - 4:1.
İki dəfə 6, bir dəfə 5, dörd dəfə 3 topla uduzan komanda 3-cü dəfə meydanı 4 top fərqilə uduzaraq, tərk etdi. "Qarabağ"a 4 və ya daha çox top fərqilə qalib gələn son komanda "Borussiya" olmuşdu. 2233 gün öncə dortmundlular 4:0-a sevinmişdi.
1999-cu ildəki "Monpelye" məğlubiyyətindən sonra ağdamlılara 4-dən çox qol vuran olmamışdı. 6290 gündən sonra komandamıza belə çox qol vuran oldu.
pia.az