Rusiya XİN başçısının müavini: “Qarabağ tənzimlənməsinin yükü Əliyevlə Sarkisyanın çiyinlərindədir”
Virtualaz.org-un müxbirinə eksklüziv müsahibəsində Rusiya xarici işlər nazirinin müavini Qriqori Karasin bildirib ki, bu il Rusiya və Azərbaycan iki ölkə arasında diplomatik münasibətlərin qurulmasının 25 illiyini qeyd edir.
Onun sözlərinə görə, iki ölkənin münasibətləri dostluq, mehriban qonşuluq və strateji əməkdaşlıq əsasında qurulub. Bu mənada diplomat ölkələrin liderlərinin - İlham Əlievin Vladimir Putinlə dostluq münasibətlərinin bu işə daha da rövnəq verdiyini qeyd edib.
Karasin əlavə edib ki, Rusiyada hazırda azərbaycanlıların 260-dan çox diaspor təşkilatı var, bunlardan 4-ü federal miqyasda fəaliyyət göstərir. Rusiya Ədliyyə Nazirliyi Ali Məhkəməyə ÜAK-la bağlı iddia göndərib və məhkəmə ÜAK-ın xeyrinə olmayan qərar qəbul edib. “Bu Rusiyada adi praktikadır, mən burada hansısa qərəz və lobbi qruplarının fəqliyyətini axtarmazdım”, - Karasin deyib.
Qarabağ münaqişəsinin tənzimlənməsi prosesində Rusiyanın ATƏT-in Minsk qrupunun həmsədri kimi fəaliyyətindən danışan nazir müavini bildirib ki, hələ 2013-cü ildə ATƏT MQ həmsədrləri olan ölkələrin prezidentləri bəyan etmişdilər ki, onlar münaqişənin dinc yolla həllinə dəstək verəcəklər, lakin burada əsas yük Azərbaycan və Ermənistran prezidentlərinin çiyninə düşür.
Ermənistana silah təchizatı ilə bağlı sualı cavablandıran Q.Karasin qeyd edib ki, Rusiya bu məsələdə balansı qoruyur – silah həm Ermənistana, həm də Azərbaycana verilir.
pia.az