Azərbaycana aid “Qafqaz leasing” lizinq şirkəti fəaliyyətini dayandırır
Şirkətin əməkdaşlarının verdiyi məlumata görə, “Qafqaz leasing” 2-3 aydır ki, aktiv fəaliyyətini dayandırıb. Lizinq şirkətindən bildiriblər ki, hazırda borcların yığılması ilə məşğuldurlar.
“2-3 ay olar ki, aktiv fəaliyyəti dayandırmışıq. Şirkət bağlanır. Hazırda bazardakı borcları yığırıq”.
Bağlanma səbəbinə aydınlıq gətirən şirkət əməkdaşı bildirdi ki, bu, böyük ehtimalla böhranla əlaqəlidir.
“Qafqaz leasing” şirkəti NAB Holdinqə aiddir. Bu şirkətin təsisçiləri “NAB Group of Companies” və “Metin Limited”dir. “Qafqazleasing” ASC-nin səhmlərinin 50% “Metin Limited” şirkətindədir.
Qeyd edək ki, baş ofisi Türkiyədə(İstanbul) yerləşən NAB Şirkətlər Qrupunun fəaliyyəti biznesin çox sayda – istehsalat sahəsi (polad əritmə), maliyyə sahəsi (bank, lizinq) və distribyusiya (Hyundai avtomobilləri, məişət texnikası(Tefal) və elektro təhcizatlar (Samsung, Siemens və.s) kimi sahələrini əhatə edir.
“Qafqaz leasing” ASC-nin həmtəsisçisi və səhmdarlarından olan “Metin Limited” isə Birləşmiş Krallıqda yerləşən ticarət şirkətidir. /fed.az
pia.az