Rusiya Xarici İşlər Nazirliyinin Diplomatik Akademiyasının rektoru, professor Yevgeniy Bajanov ADA Universitetində mühazirə ilə çıxış edib
APA-nın məlumatına görə, mühazirə “Beynəlxalq Münasibətlərdə meyllər: tarixin dərsləri və perspektivlər” mövzusunda olub.
XX əsrdə beynəlxalq münasibətlərdə ideologiya fərqliliklərinin üstünlük təşkil etdiyini deyən diplomatın sözlərinə görə, XXI əsrdə onun yerinə sivilizasiyalararası fərqliliklər gəlib. Onun qənaətinə görə, yaxın gələcəkdə beynəlxalq münasibətlərdə dövlətlər əsas aktorlar olaraq qalacaq.
Y. Bajanov bildirib ki, beynəlxalq münasibətlərdə əsas faktorlar arasında Çinin artan qüdrəti və ətraf ölkələrin bundan narazılığı, habelə Rusiyanın öz mövqelərini geri qaytarmasıdır. ABŞ-ın yürütdüyü siyasətin Rusiya üçün qəbuledilməz olduğunu deyən diplomatın sözlərinə görə, ölkəsi çoxqütblü, müstəqil, heç bir ideologiyaya bağlı olmayan və çox istiqamətli xarici siyasətə üstünlük verir.
"İlk növbədə dost olan ölkələrlə münasibətləri daha da yaxşılaşdırmaq istəyirik. Bunlar postsovet məkanı ölkələrdir, o cümlədən Azərbaycandır”, - deyə o vurğulayıb.
Y. Bajanov qeyd edib ki, Moskva həmçinin Çin, İsrail, Yaxın Şərq və Latın Amerikası ölkələri, eləcə də müsəlman dövlətləri ilə münasibətləri yaxşılaşdırmaq niyyətindədir. Bununla belə, diplomat ölkəsinin qərb ölkələr ilə münasibətlərin yenidən yaxşılaşdırılmasının tərəfdarı olduğunu vurğulayıb.
Sonra universitetin tələbə-professor heyəti Y. Bajanova suallar verib.
pia.az
Digərxəbərlər
Populyar xəbərlər
