Əkrəm Həsənov: “46 sığorta agentliyinin və 22 kredit təşkilatlarının lisenziyalarının ləğv olunmasının ciddi təsirləri olmayacaq”
“Palata bank sisteminə daha çox diqqət ayırmaqdansa, “uşaq-muşaqla” haqq-hesab çürüdür”.
Bu sözləri bank üzrə ekspert Əkrəm Həsənov MBNP-nin sığorta agentlikləri və kredit təşkilatları ilə bağlı qərarını şərh edərkən PİA.AZ-a açıqlamasında qeyd edib.
Bu gün Maliyyə Bazarlarına Nəzarət Palatasının (MBNP) Direktorlar Şurasının qərarı ilə 46 sığorta Agentliyinin və 22 kredit təşkilatlarının lisenziyaları ləğv olunub. MBNP-nin bu addımları maliyyə-kredit bazarına necə təsir edəcək və bu tədbirlər maliyyə bazarının sağlamlaşdırılması üçün yetərli olacaqmı?
Mövzu ilə bağlı PİA.AZ-ın əməkdaşı bank üzrə ekspert Əkrəm Həsənova müraciət edib.
Əkrəm Həsənov: “Problem ondadır ki, maliyyə-kredit sistemində suyu bulandıran əsas oyunçular, yəni, banklar kənarda qalıb”.
46 sığorta Agentliyi və 22 kredit təşkilatlarının lisenziyalarının ləğv olunmasının maliyyə-kredit bazarına təsirinin yox səviyyəsində olduğunu vurğulayan ekspert Əkrəm Həsənova görə, MBNP-nin bu addımı maliyyə bazarının sağlamlaşdırılmasına təsir etməyəcək:
“Ümumən 46 sığorta agentliyinin və 22 kredit təşkilatlarının lisenziyalarının ləğv olunmasının maliyyə bazarına ciddi təsirləri olmayacaq. Çünki lisenziyası ləğv olunanların təşkilatların çoxusu faktiki olaraq, maliyyə bazarında o qədər də aktiv deyildi və ya fəaliyyətini demək olar ki, tam dayandırmışdılar. Bununla belə, bazarın təmizlənməsi müsbət addımdır. Sadəcə problem ondadır ki, maliyyə-kredit sistemində suyu bulandıran əsas oyunçular, yəni, banklar kənarda qalıb. Palata bank sisteminə daha çox diqqət ayırmaqdansa, “uşaq-muşaqla” haqq-hesab çürüdür”.
Gülşən ŞƏRİF
pia.az
Digərxəbərlər
Populyar xəbərlər
