Rusiyanın maliyyə naziri Anton Siluanov ölkələrindəki büdcə balansının bu il təmin olunması üçün neftin qiymətinin 60 dollar/barel səviyyəsinə çatmasının lazım olduğunu bildirib
Siluanov 2 il əvvəl baş verən proseslərin son yarım əsr ərzində Rusiya iqtisadiyyatında baş verən ən böyük xarici şok olduğunu bildirərək “Neftin qiymətlərindəki azalmanın sürəti və müddəti, qiymətlərin 1980-ci illərdə yaşadığı azalma ilə müqayisə edilə bilər. Ancaq keçmiş böhranların hamısından daha sürətli toparlandıq” deyib.
Rusiyanın büdcəsində tarazlığın təmin olunması üçün 2013-cü ildə 100 dollar/barel qiymətlərə ehtiyac olduğunu ifadə edən Siluanov 2017-ci ilə gəldikdə artıq ölkə iqtisadiyyatının neftə bağlılığının azaldığını, büdcə tarazlığının bu il təmin olunması üçün neftin qiymətinin 60 dollar/barel səviyyəsinə çatmasının lazım olduğunu söyləyib. (marja)
pia.az