Abunəçiləri yüksəkkeyfiyyətli rabitə ilə təmin etmək məqsədilə
2G, 3G və 4G (LTE) baza stansiyalarının sayı artırılıb
“Nar” abunəçilərin rahat və kəsintisiz mobil rabitə və internet xidmətlərindən yararlanması məqsədilə yeni baza stansiyalarının ölkə ərazisində quraşdırılması prosesini davam etdirir. Son 3 ay ərzində mobil operator ümumilikdə 46 ədəd 3G və 4G (LTE) yeni baza stansiyalarını istismara vermişdir.
Hazırda 5679 baza stansiyası vasitəsilə abunəçilərə kəsintisiz və yüksəkkeyfiyyətli mobil rabitə və internet xidməti göstərilir. Mobil operator ilin sonunadək baza stansiyalarının ümumi sayını daha da artırmağı planlaşdırır. Hazırda ölkədə heç bir mobil operatorun şəbəkəsi bundan yüksək göstəricilərə malik deyildir.
Bundan əlavə, “Nar” operatorunun gücləndirilmiş və genişləndirilmiş 4G (LTE) şəbəkəsinin istifadəçilərinin sayı dinamik şəkildə artmaqda davam edir. Şəbəkə keyfiyyətinin son yoxlanışı zamanı “Nar” LTE şəbəkəsi Abşeron yarımadası və Bakı şəhərində digər mobil operatorların şəbəkələrindən daha yüksək nəticələr göstərmişdir. Hazırda “Nar” LTE şəbəkəsindən faydalanmış istifadəçilərin ümumi sayı 30.000-dən çoxdur.
Mobil operatorun şəbəkəsi haqqında əlavə məlumatı nar.az internet səhifəsindən öyrənə bilərsiniz.
pia.az
Digərxəbərlər
Populyar xəbərlər
