"Gəlin danışaq" verilişinin qonağı olan prodüser Tarix Əliyev (Tolik) ailəsindən və uşaqlıq illərindən bəhs edib
Axşam.az-ın məlumatına görə, prodüser bildirib ki, qohumları bir vaxtlar onu evlərinə qoymurmuş:
"Anam musiqi müəlliməsi, atam neftçi olub. Valideynlərimə indi də deyirəm ki, kaş mənim başımdan vurub oxutdurardınız, ali savadım olardı. Başqa pillədə olardım. Elə qohumlarım var ki, məni evinə qoymurdu. Amma indi arzulayırlar ki, mən onlara qonaq gedəcəm. Səkkizinci sinifdən sonra oxumadım, məktəbi atdım. Çox dələduz uşaq olmuşam. Anam telefon alsın deyə, əlimi kəsmişdim. Anam telefonu aldı, 1 ay sonra onu itlə dəyişdim. Daha sonra iti də qoyunla dəyişdim".
Tolik uşaq vaxtı başına gələn hadisəni bölüşüb:
"Bir dəfə çörək növbəsində dayanmışdıq, bir oğlan gəlib dedi ki, sən mənim bacıma sataşmısan, gedək üzr istə. Məni qaranlıq yerə aparıb dedi ki, ayaqqabını və kurtkanı çıxart. Məni soyundurub kurtkamı aldı, ayaqqabım ayağına olmadı. Həyatda belə şeylərlə də rastlaşmışam"
pia.az
Digərxəbərlər
Populyar xəbərlər
