Xərçəng xəstəsi “Johnson& Johnson” şirkətindən $400 milyon udub!
«AzPolitika.info»-nun xarici KİV-ə istinadla verdiyi xəbərə görə, Los-Anceles şəhərinin (ABŞ) xərçəng xəstəliyinə tutulmuş sakini (qadın) məhkəmə vasitəsilə «Johnson & Johnson» şirkətindən 400 milyon dollardan artıq pul udub.
Amerikalı qadın təsdiqləyir ki, tutulduğu xərçəng xəstəliyi şirkətin istehsalı olan «talk» (talk – ağ rəngli mineraldır, adətən toz formasında texnikada və təbabətdə istifadə olunur) əsaslı məhsullardan istifadənin nəticəsidir.
Sözügedən şirkət üçün bu, ilk oxşar iddia deyil, ancaq bu epizodda kompensasiyanın məbləği rekord vurub.
«Röyter» agentliyinin məlumatına görə, şirkət məhkəmənin qərarından şikayət vermək niyyətindədir.
pia.az