“Həyat yoldaşım Bakıya çox az gəlib. O, inanmırdı ki, məni Azərbaycanda çox tanıyırlar. Başa düşmürdü, deyirdi, “Necə, hamı səni tanıyır?”. Türkiyədə çəkilişlərə gedəndə mənimlə olurdu. Kamera arxasında mənə təəccüblə baxırdı”
Axşam.az-ın məlumatına görə, bu sözləri aparıcı Gülnarə Məmmədova “Gəlin danışaq” verilişində deyib.
Türk həyat yoldaşından danışan aparıcı onunla İstanbulda tanış olduğunu söyləyib:
“Rəfiqələrimlə kafeyə getmişdik, elə orda da tanış olduq. Mənim aparıcı olduğuma inanmırdı. Çünki Türkiyədə aparıcı heç vaxt adi bir insanla ailə qurmazdı. O, mütləq biznesmənə ərə getməlidir”.
G.Məmmədova İstanbula köçəndən sonra turizm şirkətində işlədiyini bildirib:
“Bakıda böyük depressiyada idim. Getdim, çox da sevinirəm. Həyatımın sevgisini tapdım, ilk dəfədir sevirəm. Atasız böyümüşəm, hər zaman kişidə ata qayğısı axtarırdım. Həyat yoldaşım mənə ata qayğısı göstərir. Türkiyədə turizm şirkətində çalışmağa başladım. Heç kimə aparıcı olduğumu demirdim. Azərbaycanlı müştərilər gələndə məni tanıyır, foto çəkdirirdilər. Şirkətdə hamı təəccüblənirdi. Ondan sonra bildilər ki, mən Bakıda aparıcı olmuşam”.
pia.az