Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Həsən Ruhani gəldi. İstədik ki, sözümüzü deyək. Eşitmədi”


Şərqi Azərbaycanın Tufarqan (Azərşəhr) və Əcəbşer şəhərlərində aprelin 14-də baş vermiş sel fəlakəti 40-dan artıq insanın ölümünə səbəb olub


Bölgə əhalisi Tufarqanda 22 vətəndaşın öldüyü hadisənin Yol və Şəhərsalma İdarəsinin xətası nəticəsində baş verdiyini irəli sürürlər. Tufarqan şəhərindən Səccad Müslimi Amerikanın Səsinə müsahibədə baş verənləri ətraflı şəkildə şərh edib.

Tufarqan sakini Səccad Müslimi Amerikanın Səsinə danışır


Seldən sonra İran mediasının yayımladığı ilk xəbərlərdə, daşqınları izləyənlər və selfi çəkənlərin həlak olduğu önə çəkilmişdi. Səccad Müslimi bunun qətiliklə doğru olmadığını vurğulayır.

Məsullar öz məsuliyyətlərini danmaq üçün dedilər ki selfi çəkənləri sel apardı.

“Məsullar öz məsuliyyətlərini danmaq üçün dedilər ki selfi çəkənləri sel apardı,” deyə Tufarqanlı gənc fəal söyləyir.

Onun dediklərinə görə, “[22 vətəndaşın həlak olduğu] yol Xələzər kəndi və Qızıldağ adlı türist bölgəsinin yoludur. Təqribən 10 ildir kəndin yolu budur. Bu yol əslində Tufarqan Çayı üzərindəki körpünün gözlərindən birindən keçir. Yol İdarəsi buraya asfalt çəkib... Yol və U-dönüşü Google xəritələrində də görünür. Əsas yolun qırağında da lövhə qoyulub ki, Xələzər yolu körpünün altındadır.”

Lövhə: Xələzar - Keçid körpü altından

Lövhə: Xələzar - Keçid körpü altından

Sosial mediada yayımlanan şəkillər və videolarda həmin yolda hərəkət edən avtomobillərin selə tutulduğu görünməkdədir. Müsliminin söylədiklərinə görə, daşqınlar 8 avtomobili aparıb. Maşınların içindəkilərdən heç kəs sağ qurtulmayıb.

“Öncə dedilər seli izləyənlər ölüb. Sonra şəkillər və videolar gəldi. Əhali dedi ki, 10 ildir o yolda gəlib gedirik. Sonra məsullar dedilər ora yol deyil... Media Tehranda toplanıb. Qıraqdakıların səsini eşitmirlər. Eşitmək istəmirlər... Səsimizi ölkə mediasına çatdırmaq üçün çox çalışmalar oldu. Sonunda səs çatdı bəzi yerlərə... Amma məsullar yalanlarını geri almayıblar. Yenə deyirlər ki təqsir millətindir. Bir sadə üzr də istəmirlər millətdən...,” deyə Səccad Müslimi dilə gətirir.

Tufarqan ilə Əcəbşerdəki olayların fərqi bu idi ki, Tufarqandakı olayda məsulların qüsuru var idi. Ona görə, millətin sözünü eşitmək istəmədilər.

Əcəbşerdəki daşqınlar isə ən çox Çınar kəndinin əhalisinə ziyan vurub. 20-ə yaxın adam ölüb.

Bəzi millət vəkilləri sel fəlakətindən sonra Azərbaycana deyil, İranın cənubuna səfər edib bəzi təsislərin açılış mərasimində iştirak edən prezident Həsən Ruhanini də tənqid edib.

Prezident hadisədən bir neçə gün sonra Şərqi Azərbaycan vilayətinə səfər edib. Yerli sakinin dediklərinə görə, prezident Tufarqanda əhali ilə söhbət etməyib.

Həsən Ruhani gəldi. İstədik ki sözümüzü deyək. Eşitmədi. Bir-iki dəqiqə baxdı çıxıb getdi. O da, naziri də, millətlə görüşmədilər. Sadəcə zərər çəkmiş ailələr arasından bir təmsilçi seçildi. Onunla görüşdü. Millət eşitmişdi Ruhani gələcək. Səhərdən gedib toplanmışdılar körpünün yanına. Amma qoymadılar millət yaxınlaşa. Sonralar şəkillərdə gördük ki, Əcəbşerdə millətlə görüşüb. Tufarqan ilə Əcəbşerdəki olayların fərqi bu idi ki, Tufarqandakı olayda məsulların qüsuru var idi. Ona görə, millətin sözünü eşitmək istəmədilər."



pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar