"İnanın ki, bu günə qədər mən hələ heç kimə irad bildirməmişəm, deməmişəm belə oxuma, elə oxu”
Bu sözləri ARB TV-nin "Gəlin danışaq" verilişinin qonağı olan əməkdar artist Elnarə Abdullayeva deyib: “Mənə qarşı irad olanda xoşdur və qəbul edirəm. Əvvəla baxır bunu kim deyir. Məndən gərək ağıllı, tərbiyəli, imanlı və savadlı olsun. Bu da daha çox yaşlı insanlara uyğun gəlir. Məsələn müəllimim, bu yaxınlarda dünyasını dəyişən Ağaxan Abdullayev. Dünyasını dəyişəndən sonra hələ də özümə gələ bilməmişəm. Onlar nə deyibsə mən qəbul etmişəm".
E.Abdullayeva daha sonra müəllimi, xalq artisti Ağaxan Abdullayevdən danışaraq, göz yaşlarını saxlaya bilməyib:
"Mən 9 il bu insanın tələbəsi olmuşam. Qürurlu yaşayıb ölmək hər adama qismət olmur. Bu gün mən onunla fəxr edə bilirəm. Ondan sənət, böyüklük olaraq çox şey öyrənmişik. Dünyasını dəyişməsindən on gün əvvəl onu görməyə getmişdim. Yanında 10-15 dəqiqə otura bildim. Şükür edirəm ki, yetərincə söhbət edib, məsləhətlər almışıq. İkinci konsertimə dəvət etmişdim, gəldi də". (lent.az)
pia.az
Digərxəbərlər
Populyar xəbərlər
