Son günlər Azərbaycanın işğal altında olan ərazilərinin azad ediləcəyi ilə bağlı məsələ əsas müzakirə mövzusudur
Qarabağ danışıqlarında ümidlər indi də prezidentlərin Paris görüşünə bağlanıb.
Bəzi təhlilçilər bu görüşü Qərbin uzun illər durğunluq dövrü yaşayan nizamlama prosesində nəhayət, təşəbbüsü öz əlinə almağın və Rusiyanın həll prosesinə təsir imkanlarını azaltmağın yeni fürsəti kimi təqdim edir. Qərblə Rusiya arasında kəskin qarşıdurma gedir. Bunun nəticəsində isə Moskva çökməyə doğru getdiyi söylənilir. Rusiyanın mövqeyinin bölgədə və dünyada zəifləməsi ilə problemin ədalətli həlli sürətləndirməyə də bilər. Səbəb münaqişədən digər qlobal güclərin də ilk növbədə öz maraqları üçün istifadə eləməsidir.
Digər tərəfdən ekspertlər Moskva münaqişənin həllini Ermənistanla bahəm, Azərbaycanlın da daxil olduğu vahid hərbi-siyasi birlik çərçivəsində olacağını söyləyirlər.
Bu vəziyyət münaqişənin həllində hansı rolu oynaya bilər?
“Beynəlxalq təşkilatların Ermənistanı sülhə məcbur edən sanksiya və qərarları olmasa Qarabağ problemi uzun sürəcək”
Bu sözləri isə PİA.AZ-a açıqlamasında millət vəkili Asim Mollazadə İlham Əliyev və Serj Sərkisyanın Paris görüşünü şərh edərkən söyləyib.
O, bu görüşün də növbəti “görüş xatirinə görüş” olduğunu bildirdi:
Əslində mən Ermənistanın sülh istigamətində hər hansi bir addim atmağını gözləmirəm. Ermənistan dəfələrlə ələxsus Fransanın təzyiqləri nəticəsində “tualet diplomatisiya” nı nümayiş etdirmişdi. Köçəryanın qaçışını hamı xatırlayır.
Belə görüşlər çox olub – bundan əvvəl ABŞ-ın təşəbbüsü olub, Soçidə Rusiyanın təşkil etdiyi görüç və s. Indi də Ollandın təşəbbüsü ilə görüş keşiriləcək. Amma heç bir daha deyirem ki Ermənistan hec bir addım atmağa hazir deyil və onlar “status-kvo”nu saxlamaq istəyirlər. Beynəlxalq təşkilatların, dünyanın nüfuzlu ölkələrinin Ermənistanı sülhə məcbur edən sanksiya və təzyiqləri olmasa bu istiqamətdə heş bir dəyişiklik olmayacaq.
Azərbaycan və Ermənistan münaqişəsi zəminində Rusiya və Qərb qarşıdurması deyilmir. Rusiya əslində Ermənistanın sahibidir, hərbi for-postudur və istənilən an Ermənistanı sülh imzalamağa məcbur edə bilərdi. Amma bunu etmədiyinə görə və hec bir sanksiya tətbiq edilmədiyinə görə dəyişiklər olacağını da gözləmirəm. Qərbin Qarabağ problemində təşəbbüsü əlinə alması demek doğru olmazdı. Çünki bütün proses Minsk qrupunun həmsədrlərin nəzarətində keçirilir. Bu da növbəti “görüş xatirinə görüş” olacaq . Müvafig qəraralar olmasa yəni beynəlxalq təşkilatların Ermənistanı sülhə məcbur edən sanksiya və qərarları olmasa bu məsələ 2015 ildədə belə davam edəcək. Danıçıqların imitasiyasıni ediləcək və Ermənistan bu prosesi uzadacaq.
Ülviyyə Bəylər
Pia.az