Azərbaycanın Diasporla İş üzrə Dövlət Komitəsi və Nizami Gəncəvi Beynəlxalq Mərkəzi tərəfindən keçirilən VI Qlobal Bakı Forumu bugünkü işinə “Nəsillər arasındakı boşluqlar: Gənclər danışır, biz dinləyirik” adlı panellə start verib
APA-nın məlumatına görə, panelin moderatoru Ukraynanın sabiq birinci xanımı Katerina Yuşenko bildirib ki, gənclərin müasir proseslərə yanaşmaları fərqli olduğu üçün panel müxtəlif ölkələrdən gələn gənclərin sərbəst çıxışlarından ibarət olacaq.
Daha sonra müxtəlif ölkələrdən tələbələr, o cümlədən biznes və dövlət strukturunda çalışan gənclər inklüziv (milli, irqi və dini bərbaərlik) ideyalarla bağlı fikirlərini bölüşüblər.
Forum işini “Elm və siyasət” paneli ilə işini davam etdirib. Panelin moderatoru Dünya Bankının sabiq vitse prezidenti, Nizami Gəncəvi Beynəlxalq Mərkəzinin həmsədri İsmayıl Səragəldi bildirib ki, qlobal problemlərin həllində elmi yanaşmalar siyasətdə zərurətə çevrilir.
Albaniyanın sabiq prezidenti Receb Meydani isə deyib ki, cəmiyyətlərin idarə olunmasında, siyasi proseslərin inkişafında istənilən hökumət və ya dövlət başçısı elmi biliklərə malik olmasa, dəyişikliklərə nail ola bilməz. O həmçinin bildirib ki, elmin inkişafı siyasi qərar olmaqla yanaşı ağır xəstəliklərin yayılmasının qarşısını alır ki, bu da normal cəmiyyət-normal dövlət anlamına gəlir. Sabiq prezident bu fonda hazırkı ABŞ prezidenti Trampın administrasiyasını tənqid edib: “Hazırda Trampın idarəetməsində bu anlamda bəzi düz olmayan addımlar atılır. Xüsusilə peyvəndlərə qarşı qeyri-düzgün qərarlar qəbul edilir, bir növ elmə qarşı çıxılır”.
ABŞ Dövlət Katibinin elm məsələləri üzrə sabiq müşaviri Nina Federoff isə bildirib ki, elmi nailiyyətlər son zamanlar dünyada yeni çalarlar almaqla yanaşı, bəzən mümkün olmayan ideyaların reallaşmasına da əl atırlar ki, bu da çox vaxt fəsadlar verir.
pia.az
Digərxəbərlər
Populyar xəbərlər
