"Mançester Siti"nin futbolçusu Yaya Ture FİFA-nın Rasizmlə mübarizə üzrə İşçi qrupunu ləğv etməsini tənqid edib
PİA.AZ goal.az-a istinadən xəbər verir ki, kot-d`ivuarlı havbek bunları deyib:
"FİFA rasizmlə mübarizə məsələsində mənə müraciət edərkən iki dəfə düşünməli oldum. Bütün həyatım boyu irqçiliklə rastlaşmışam. Həm küçələrdə, həm də stadionda. Rasizmlə mübarizədə mənim də məsuliyyətim də vardı. İstəyirdim ki, başqa futbolçular və azarkeşlər mənim hisslərimi yaşamasın. FİFA-dan bu istiqamətdə fəaliyyətin dayandırılması haqqında məktub alanda çox məyus oldum. Məktubda deyilirdi ki, düzgün məsləhətlərdən sonra lazımi işlər görülüb. Niyə rasizm problemini bu qədər il görməməzdən gəldikdən sonra bu istiqamətdə işlər dayandırılır? FİFA bunu Rusiyada keçiriləcək mundialdan öncə nə üçün etdi? Ümid edirəm, qurum bu barədə düşünər. Aldığım məktub ümid doğurmur. FİFA vəziyyəti düzəltməsə, azarkeş və futbolçular zərər görəcək".
pia.az
Digərxəbərlər
Populyar xəbərlər
