Fransız brendi “Chanel”in 2018-2019 Payız/Qış kolleksiyasının dəfiləsi üçün hazırlanmış süni meşə dekorasiyası etirazlara səbəb olub
“Report” xarici KİV-ə istinadən xəbər verir ki, Grand Palais (Böyük Saray) muzeyində təşkil olunan mərasimdə modellər standartlardan kənar olaraq qurumuş yarpaqlar üzərində yeriyib.
Üç saat davam edən dəfilədə canlı ağacların kəsilərək dekor kimi istifadə olunmasına kəskin etirazlar olub.
France Nature Environnement (Fransa ətraf mühiti) dərnəyinin verdiyi açıqlamaya görə, kəsilən ağaclardan birinin 150 yaşı var: “Təbii görüntü yaratmaq üçün bunu ediblər. Ancaq ağacların meşədən kəsilməsi, dekorasiya üçün yük maşınları ilə daşınması və daha sonra zibilliyə atılması təbii olmaq deyil”.
pia.az