Limunət Əmrahlı: “Təəssüf ki, bəzi gənclərin istəklərində aydınlıq yoxdur. Onlar çox tez ailə həyatı qururlar, ailə yükünün ağırlığını çəkə bilmədikləri halda isə asanlıqla boşanırlar. Onların yükünü də valideynləri çəkməli olur”
“Çoxsaylı gənclərimiz mahiyyətini bilmədən dini qruplara qoşulurlar. Halbuki bu addım onların özlərinə və ailələrinə ciddi zərər verir”.
Müasir dövrdə gənclərin qarşısında duran əsas məqsədlər sırasında intellektual səviyyəsinin artırılması, milli-mənəvi dəyərlərin mənimsənilməsi, fiziki və mənəvi inkişafın təmin edilməsi və yaradıcı potensialının üzə çıxarılması və s. kimi amillər öndə gələn məsələlərdəndir. Əksər gənclər təkcə ölkə daxilində deyil, xaricdə də öz ölkəsinin təbliğatını aparmağa, dövlətə və millətinə bağlılıq nümayiş etdirməyə çalışır. Lakin yaşadığımız dövrdə mövcud olan qloballaşmanın gənclərin həyatına və düşüncələrinə təsiri az deyil. Gəncləri iki tipə bölsək, öz üzərində işləməyi sevən gənclərlə yanaşı, nə istədiyini bilməyən və özgüvənsiz yaşayan gənclər də kifayət qədərdir. Sofistlərin müəllimləri olan Protoqor isə demişdi ki, hər şeyin həm olmasının, həm də olmamasının meyarı insandır.
Gənclərin özünümüəyyənləşdirməsinin yolu nədir? Nə etmək lazımdır ki, gənclər hədəflərində qətiyyətli və mübariz olmağı bacarsın?
PİA.AZ gənclərin özünümüəyyənləşdirmə yolu ilə bağlı “BİZİMLƏ MƏSLƏHƏT” maarifləndirici, psixoloji verilişinin qonağı psixologiya üzrə fəlsəfə doktoru, dosent Limunət Əmrahlı ilə olan verilişi oxucularına təqdim edir:
Gülşən ŞƏRİF
pia.az