“Həyatla ölüm arasında qalmışdım. Ona görə də layihəmi “Həyat” adlandırdım. Həyat var, insan kiməsə yaxşılıq edəndə özünə qayıdır”
Axşam.az-ın məlumatına görə, bu sözləri aparıcı Hacı Nuran Hüseynov deyib.
Aparıcı “ATV maqazin onlarla” verilişində bildirib ki, veriliş yeni başlasa da, gün ərzində yüzlərlə məktub alır:
“Bakıdan, rayonlarımızdan məktublar alırıq. 20 il ərzində bir dəfə nə toy, nə ad günü aparmışam. Xoşlamıram. İnsanlar məni xeyriyyə işi görən biri kimi tanıyır, üzüm olmaz şou aparım.
Arif Quliyev müalicə alır, Rəmiş Hüseynovu da çəkdik göstərdik. Onlar qayğı istəyir".
Uzun müddətdir xərçəngdən əziyyət çəkən Hacı Nuran həkiminin ona stresdən uzaq olmağı tapşırdığını söyləyib:
"Deyəsən, ikinci dəfə də pisləşəcək halım. 2015-ci ildə qayıdanda yaxşı idim. Bu işin içinə girdim, səhhətimə fikir vermədim və pisləşdi. Bir il qaldım, müayinə, əməliyyat olundum. İndi həkimim deyir stresdən uzaq ol, bu işlərdən uzaqlaşdır. Amma özümdən asılı deyil, belə işi sevirəm".
pia.az