“Əvvəlki rəhbərlər kimi Dağıstanın indiki başçısı da Rusiya Prezident Administrasiyası başçısının müavinidir. Abdulatipovun gəlişi ilə yenilənmə, təmizlənmə və islahatlar xətti əsas götürülüb. Lakin son hadisələrlə bağlı yaranan iqtisadi çətinliklər Dağıstan rəhbərliyinin nəzərdə tutduğu işləri tam şəkildə həyata keçirməyə imkan vermir. Razılaşın ki, son 2 ildə, bu isə az müddətdir, köklü dəyişikliklərə nail olmaq çox çətindir. Yeni komandanı yaratmaq üçün vaxt lazımdır. Axı ölkənin bütün siyasi sistemi dəyişib?!”
Bu sözləri Rusiyanın hakim Vahid Rusiya Partiyasından olan deputat Məmməd Abbasov virtualaz.org-a geniş müsahibəsində deyib.
Onun sözlərinə görə, Dağıstandakı əvvəlki sistem köhnəlib:
“Yeni rəhbər kadr dəyişikliklərinə başladı. Elə məmur vardı ki, on illər idi vəzifə daşıyırdı. Bu yaxınlarda Dərbənddə oldum. Yeni rəhbərlərlə görüşdüm. Onlar Abdulatipovun tapşırıqlarını yerinə yetirməyə çalışırlar. Xüsusən Cənubi Dağıstandakı vəziyyəti ciddi nəzarətdə saxlayıram. Orada heç bir gərginlik yoxdur. Dövlət maşınına qarşı getmək olmaz. Bu məsələyə şəxslər və ya millətlər arasındakı münasibətlər prizmasından da baxmaq olmaz. Axı bu vəzifəyə azərbaycanlını təyin ediblər”.
M.Abbasov rəsmi Bakı ilə əlaqələrdən də danışıb:
“Azərbaycan-Rusiya münasibətlərinin istiqaməti yaxşıya doğru dəyişib. İki ölkənin rəhbəri arasındakı münasibətlər daha yüksək səviyyəyə - etimad səviyyəsinə qalxıb. Bunları nəzərə alaraq mən hər gün təşkilatın saytına baxıram. Orada qarşılıqlı münasibətlərə zərər vura biləcək şərhlərin yer almamasına şəxsən nəzarət edirəm.
Biz iki xalqın yaxınlaşmasında həddən artıq çox maraqlıyıq. Biz bugünkü Azərbaycandan nümunə götürməliyik. Hər dəfə Bakıya gedəndə yeni dəyişiklik görürsən. Bu, iqtisadi möcüzədir. Digər dövlətlərin başçılarının da öz ölkələrini inkişaf etdirmək üçün ehtiyatları və imkanları var. Lakin onlar bunu etmirlər. Azərbaycanın rəhbəri isə öz ölkəsinin inkişafını təmin edib”.
pia.az
Digərxəbərlər
Populyar xəbərlər
