“İnnovasiyalar üçün tərəfdaşlıq” proqramının dəvəti ilə Qazaxıstanın paytaxtı Astana şəhərində keçirilən “VII Vətəndaş Forumu”nda iştirak edən “Azərbaycan Uşaqları” İctimai Birliyinin sədri Kəmalə Ağazadə tədbir çərçivəsində müxtəlif işgüzar görüşlər keçirib
Forum çərçivəsində “ASIA” Qadın Sahibkarların Biznes Assosiasiyasının icraçı direktoru Gulnara Kuşmurzina, Assosiasiyanın prezidenti, eyni zamanda Qazaxıstan parlamentinin deputatı Meruert Kazbekova ilə görüşlər və müzakirələr keçirilmiş, gələcəkdə tərəflər arasında əməkdaşlıq ilə bağlı ikitərəfli Memorandum imzalandı. Əsas məqsəd Azərbaycanda kiçik sahibkarlıq fəaliyyəti ilə məşğul olan qadınlarımızı əməkdaşlığa və beynəlxalq görüşlərə dəvət olunması, onların bacarıqlarının inkişaf edilməsidir.
Həmçinin səfər zamanı “Azərbaycan Uşaqları” İctimai Birliyinin sədri təbdirin digər iştirakçıları ilə birgə xeyriyyəçiliklə məşğul olan təşkilatların dayanıqlı fəaliyyəti üzrə təcrübə mübadiləsində iştirak etmiş, Astanada fəaliyyət göstərən yerli ictimai təşkilatların ofislərində getmiş, iş prosessi ilə tanış olmuşdur.
Qeyd olunmalıdır ki, bu səfər “İnnovasiyalar üçün tərəfdaşlıq – P4I” Proqramı çərçivəsində gerçəkləşmişdi. Qazaxıstanın “АRGO” Vətəndaş Cəmiyyətinin İnkişafı Assosiasiyası həm ölkədaxili, həm də ölkələrarası vətəndaş cəmiyyəti təşkilatlarının inklüziv şəbəkələri arasında əlaqəsi və davamlı inkişafına dəstək yolu ilə vətəndaş cəmiyyətinin möhkəmlənməsinə istiqamətlənmiş “İnnovasiyalar üçün tərəfdaşlıq – P4I” proqramını həyata keçirir. Proqramı dövlət və ictimai sektorun innovativ yanaşmalar vasitəsi ilə sosial və iqtisadi problemlərinin birgə həll edilməsində səlahiyyətli vətəndaş cəmiyyətinin qurulmasına əhəmiyyətli töhfə verməli, iştirakçı-ölkələrin regional əməkdaşlığı ilk növbədə əlilliyi olan insanların hüquqları, ekologiya, sosial xidmətlər, gənclərin ictimai həyatda iştirakı, gender bərabərliyi kimi əhəmiyyətli mövzuları əhatə etməlidir.
Proqram çərçivəsində müxtəlif fəaliyyət sahələrində çalışan qeyri-hökumət təşkilatlarını özündə birləşdirəcək onlayn və offlayn platformalar yaradılacaq ki, bu da, onların fəal təlimləndirilməsinə və potensialının artırılmasına yardım edəcək. Beləliklə, “İnnovasiyalar üçün tərəfdaşlıq – P4I” vətəndaş cəmiyyəti təşkilatları arasında əlaqələrin yaradılması, təcrübə və məlumat mübadiləsinə kömək edəcək, onların dayanaqlığının möhkəmlənməsi, effektivliyinin artırılması və dəyişən şəraitə uyğunlaşmaq bacarığının artmasına istiqamətlənəcək.
pia.az