“Atlas” Araşdırmalar Mərkəzinin rəhbəri, siyasi analitik Elxan Şahinoğlunun “Aprel atəş(kəs)i” kitabının təqdimatı olub
Mərasimdə çıxış edən müəllif kitabın Qarabağ savaşında həlak olanların əziz xatirəsinə həsr olunduğunu bildirib.
E.Şahinoğlu qeyd edib ki, bu kitab onun sayca üçüncü, Dağlıq Qarabağ mövzusunda isə ikinci kitabıdır: “2016-cı il yaddaqalan il oldu. Cəbhə bölgəsində dördgünlük aprel döyüşləri Azərbaycan cəmiyyətində ruh yüksəkliyi yaratdı. Biz 22 ildən sonra öz gücümüzü düşmənə göstərə bildik. Onların bizimlə bağlı qurduğu mifi dağıda bildik. Əgər strateji yüksəkliyi geri qaytarmaq və 20 ildən çox boş qalan kəndi məskunlaşdırmaq mümkündürsə, işğal altındakı başqa əraziləri də azad etməyə gücümüz çatar”.
E.Şahinoğlu qeyd edib ki, aprel savaşından sonra böyük dövlətlərin işğalçı Ermənistana təsir edib Dağlıq Qarabağ ətrafındakı rayonları boşaldacağına olan ümidlər özünü doğrultmadı: “Bəlli oldu ki, hətta müharibə təhlükəsi də həmsədr dövlətlər – Rusiya, Fransa və Amerika Birləşmiş Ştatlarını Ermənistan hakimiyyətini yola gətirməyə kifayət etmir. Vasitəçilərin iştirakı ilə prezidentlərin Vyana və Sankt-Peterburq görüşləri nəticəsiz qaldı. Aprel döyüşlərindən sonra Rusiya Ermənistana hərbi dəstəyini artırdı. Rusiya Ermənistanda əvvəlcə “İsgəndər” raketlərini yerləşdirdi, daha sonra silah almaq üçün İrəvana 200 milyon dollar kredit ayırdı. Üstəgəl, rusiyalı rəsmilərin il ərzində verdiyi açıqlamalar Moskvanın münaqişənin həllinə marağının olmadığını göstərdi”.
Sonda müəllif mərasimə qatılanların suallarını cavablandırıb.
pia.az
Digərxəbərlər
Populyar xəbərlər
