“Credit Suisse” maliyyə-analitik şirkəti hesab edir ki, yaxın 3 il ərzində “Apple” istifadəçilərinin sayı 1 milyarda çatacaq
Lent.az-ın xəbərinə görə, bu barədə “Business Insider” portalı şirkətin analitiklərinə istinadən məlumat verib.
Mütəxəssislər düşünürlər ki, yüksək texnologiyalı “iPhone 8” flaqmanının çıxması davamlı ödənməyən istehlakçı tələbatı yaradacaq. 2019-cu ilin əvvəlində “Apple”ın illik satışları 270 milyon ədəd təşkil edəcək. Həmin ilin sonunda isə bu rəqəm 970 milyon ədəd olacaq.
Bazar analitikləri əmindirlər ki, “iPhone”un hər bir flaqmanı satışların artımını stimullaşdırır. Yeni cihaz alıcılıq tələbatına həmin təsiri göstərəcək və yaxın bir neçə il ərzində davamlı satış artımı imkanı yaradacaq. “Credit Suisse” mütəxəssisləri müəyyən ediblər ki, 2013-cü ildən bəri “Apple” istifadəçilərinin sayı iki dəfə artıb. Hazırda istifadəçilərin sayı təxminən 700 milyon nəfər təşkil edir.
pia.az
Digərxəbərlər
Populyar xəbərlər
