Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“1000 bərəkət, halal nemət” məhsulları halal deyilmiş


Ötən günlərdə ölkə ərazisindəki mağazalardan birindən alınan sosiskanın içərisindən diri qurdların çıxması gündəm mövzusuna çevrildi


Bunu özündə əks etdirən video sosial şəbəkələrdə və xəbər saytlarında geniş yayıldı. 

Bəzi istifadəçilər insanları sosiska və kolbasa yeməməyə səsləyib. Bəziləri isə məhsulun hansı şirkətə aid olduğunu öyrənməyə çalışıb.

Çəkilən şirkət adları arasında “1000 bərəkət, halal nemət”in ismi daha çox hallanırdı. Təbii ki, mağazaların və supermarketlərin əksəriyyətində üzərində “1000 bərəkət, halal nemət” yazılmış məhsullara daha çox rast gəlindiyindən insanlar belə düşünüb. Adıçəkilən əmtəə nişanlı sosiskalar və kolbasalar isə “Səhliyalı” MMC şirkətinə məxsusdur.

Minval.info bununla əlaqədar şirkətlə əlaqə saxladı, amma mövzu ilə bağlı açıqlama verilmədi və “lazım olsa, sizin nömrənizə zəng vurarıq” deyildi.

Bütün bunlar, “1000 bərəkət, halal nemət”in məhsullarının hansı keyfiyyətdə olmasını araşdırmaq əsas verib.

Əvvəlcə qeyd edək ki, Qafqaz Müsəlmanları İdarəsinin sözügedən əmtəə nişanlı sosiska və kolbasaların halallığına zəmanət vermədiyi söylənilir.

Standartlaşdırma Metrologiya və Patent üzrə Dövlət Komitəsi “Səhliyalı” MMC-yə “halal” sertifikatı veribsə belə, hazırda bu dövlət qurumu ləğv olunub. Hər bir halda şirkətin məhsullarının halallığı sual altına düşür.

Deyilənlərlə bağlı Minval.info QMİ-nin mətbuat xidməti ilə dəfələrlə əlaqə saxlamağa çalışsa da zənglər cavabsız qalıb. Rəsmi saytda qeyd edilən yeganə əlaqə vasitəsinə – elektron poçtlarına suallarımızı göndərsək də buna məhəl qoyan olmayıb.

Bundan əlavə, bir müddət öncə “1000 bərəkət, halal nemət” sosiskalarının içərisində həşərat da çıxmışdı. Lakin şirkət ortada foto olmasına baxmayaraq, məlumatı təkzib etdi. Məhz buna görə, içərisindən diri qurdların çıxan məhsulun da “Səhliyalı” MMC tərəfindən istehsal olunduğu barədə fikirlər irəli sürülür.

Bəzi iddialara görə, “1000 bərəkət, halal nemət” əmtəə nişanlı kolbasa və sosiska məhsulları qoca, südsüz inəklərin ətindən hazırlanır.

Bu nişanlı məhsulların tərkibində də E 621 qlütamat və E 250 natrium nitrit maddələri var.  E 621 maddəsi dad gücləndirici, eyni zamanda insanlarda məhsula qarşı asılılıq yaradır. E 250 natrium nitrit isə məhsulun tərkibində olan və “halal”lıq sertifikatının verilməsinə şübhə yaradan maddələrdən biridir. Bu da qorxulu xəstəliklərə yol aça bilər.

Başqa bir iddiaya görə isə firmanın kolbasa üçün məhsulları ərəb ölkələrindən gətirilən dondurulmuş naməlum heyvan ətindən hazırlanır. Çəkilmiş farşa müxtəlif ədviyyatlar qatılır ki, donmuş ətin üfunəti hiss olunmasın. Bundan əlavə, “Səhliyalı” şirkətinin leş ətlərdən də istifadə etdiyi barədə iddialar səsləndirilir.

Qarşı tərəfin mövqeyini dərc etməyə hazırıq. Baxmayaraq ki, biz buna cəhd etmişdik.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

“Qarabağ”ın baş məşqçisi cəzalandırılıb

Ramazan ayının doqquzuncu gününün imsak, iftar və namaz vaxtları    

Nömrəsini sərnişinə vermək istəyən sürücü cəzalandırıldı - Açıqlama

Prezident Xankəndidə Novruz tonqalını alovlandırıb, xalqı təbrik edib - Yenilənib

Paşinyan: Əks halda həftənin sonunda müharibə olacaq...

"Nicat Lənkəranski" ləqəbi ilə tanınan şəxs 1 il 1 ay müddətinə azadlıqdan məhrum edilib - Yenilənib

Ən çox oxunanalar