PİA.AZ AzPolitika.info-ya istinadla xəbər verir ki, beynəlxalq koalisiya qüvvələrinin dəstəyi ilə İraq ordusunun Mosula hücumu və «İslam dövləti» terrorçu qruplaşmasına qarşı mübarizəsi ilkin plana uyğun olaraq inkişaf edir, amma döyüşün özü üzücü və mürəkkəb olacağını vəd edir
Bu barədə Parisdə 11 ölkənin (Suriya və İraqda «İslam dövləti»nə qarşı mübarizədə iştirak edən ölkələr – red.) müdafiə idarəsi başçılarının görüşünün nəticələri barədə danışan Fransanın müdafiə naziri Jan-İv Le Drian bəyan edib.
«Biz təsdiqlədik ki, hal-hazırda bütün proseslər tam olaraq bizim planlarımıza uyğun cərəyan edir. O da aydındır ki, savaş uzun müddətli olacaq. Çünki bu döyüşdə «İD»-nin itirə biləcəyi çox şey var. Amma biz burada döyüşən müttəfiqlərimizi tam olaraq dəstəkləmək əzmindəyik» – deyə, fransalı nazir əlavə edib.
Le Drian onu da qeyd edib ki, ötən aylar «İD» döyüşçüləri Suriya və İraqda artıq bir sıra yaşayış məntəqələri üzərində nəzarəti itiriblər ki, bu da terrorçu qruplaşmanın zəiflədiyindən xəbər verir.
pia.az