«AzPolitika.info»-nun xarici KİV-ə istinadla verliyi xəbərə görə, Çin Xalq Respublikasının (ÇXR) sədri Si Tsizinpin Rusiyanın xarici işlər naziri Sergey Lavrovla görüşü zamanı bəyan edib ki, Çin və Rusiya beynəlxalq hüququ və dövlətlərarası münasibətlərin prinsiplərini birlikdə qorumalıdırlar
«Rusiya və Çin iki ölkə rəhbəri arasında əldə olunmuş konsensusu bundan sonra da reallaşdırmalı və Avrasiya İqtisadi Birliyi çərçivəsində «Bir yol, bir qurşaq» təşəbbüsünə kömək etməli, bir-birini dəstəkləməli və beynəlxalq məsələlər üzrə koordinasiya olunmalı, beynəlxalq hüququ və beynəlxalq münasibətlərdə ədalətli prinsipləri birlikdə qorumalıdır» – Çin xarici işlər nazirliyi (XİN) Si Tsizinpindən sitat gətirir.
O, əlavə edib ki, Moskva və Pekin həm də «BRİKS», «ŞOS» və «20-lər qrupu» çərçivəsində əməkdaşlığı möhkəmləndirməlidir.
«Rusiya-Çin münasibətlərinin yüksək səviyyəsi – iki ölkənin sərvətidir. Hal-hazırda Rusiya-Çin hərtərəfli strateji qarşılıqlı fəaliyyət və həmkarlıq münasibətləri pozitiv inkişaf tendensiyasını təmin edir» – deyə, Si Tsizinpin qeyd edib.
O, əmin olduğunu bildirib ki, hər iki tərəfin səyləri sayəsində Rusiya-Çin münasibətlərində yeni nailiyyətlər əldə olunacaq.
pia.az