Sumqayıt bulvarının qurtaracağının düz yaxınlığında heç də romatik olmayan, çox açınacaqlı mənzərə yaranıb...
Ərazi əməlli-başlı zibil poliqonuna çevrilib.
Bu barədə şəhər sakinləri müraciət və fotolar təqdim ediblər. Xəbərdə deyilir ki, dənizin kənarındakı bu zibilxanada bulvarın uzadılması zamanı işlədilən tikinti materiallarının qalıqlarına, müxtəlif növ tullantılara, biçilmiş ot topalarına, daş parçalarına, bir sözlə hər cür zibil növünə rast gəlmək olar.
“Zibil buraya maşınlarla, özü də adi vətəndaşlar tərəfindən tökülmür. Ərazidəki zibil yığnağı günü-gündən artır. Təbii ki, bütün bunlar ətraf mühitə ziyan vurur, ekologiyanı korlayır, antisanitariya şəraiti yaradır. Üstəlik bu ərazidən kanalizasiya suyu birbaşa dənizə axır. Bu cür mənzərə bulvarın simasına da xələl gətirir.
Maraqlıdır ki,Sumqayıt şəhər icra hakimiyyəti bulvarın yanındakı bu aruzolunmaz vəziyyəti bilsə də heç bir tədbir gömür. Həmçinin aidiyyatı dövlət qurumları, ələlxüsus Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi və Sumqayıt şəhər Təmizlik Departamenti məsələ ilə bağlı bir tədbir gösrsəydilər pis olmazdı. Çünki bu ən azından qanunsuzluqdur”. (Yenisabah)
pia.az
Digərxəbərlər
Populyar xəbərlər
