Çərşənbə, 02 Dekabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Zəngilanlı Qarabağ qazisi: “Xəbəri alanda susduq, heç nə danışa bilmədik” - Foto

Ötən gün Azərbaycan ordusu Zəngilan rayonunun altı kəndini və Zəngilan şəhərini işğaldan azad edib.

Bununla bağlı xəbəri xalqımıza Azərbaycan Respublikasının Prezidenti İlham Əliyev çatdırıb.

Məsələ ilə bağlı Zəngilandan olan Qarabağ qazisi Novruz Məmmədzadənin doğma yurdu ilə bağlı fikirlərini öyrəndik.

Onun sözlərinə görə, Zəngilan rayonunun kəndlərindən bir qisminin və Zəngilan şəhərinin işğaldan azad olunması xəbərini eşidən zaman inanmayıb:

“Xəbəri mənə bacım verdi və inanmadım. 27 illik həsrətimiz var idi... Hər ikimiz susduq və heç nə danışa bilmədik. Şokdan ayılandan sonra özümə sual verdim ki, bu, həqiqətdirmi? Hər dəqiqəmiz, saniyəmiz Zəngilan olub. Mən 1974-cü ildə Zəngilan şəhərində doğulmuşam. Müharibə başlayanda hələ hərbi xidmətə getmək üçün yaşım tamam olmamışdı.

Amma dostlarımla yığışıb orduya güllə daşımaqda, səngər qazmaqda kömək etdik. Bir gün könüllü dəstələrə ehtiyac var idi. Zəngilanın şəhər və kəndlərində könüllü qruplar yaranırdı. Zəngilanın gəncləri ilə “Boz qurd” dəstəsi yaratdıq və hərbi xidmətə yollandıq. Azərbaycan milli ordusunun ilk əsgərləri olduq.

Döyüşlərimiz Cəbrayıl, Füzuli, Zəngilan, Qubadlı və Murovdağ istiqamətlərində olub. 1993-cü ilin oktyabrın 29-da mühasirəyə alındıq. Bir alay idik və bizim üzərimizə dörd alay hücum çəkdi. Bir həftədən çox Araz çayı istiqamətində, Qumlaq, Dərzili istiqamətində ağır döyüşlərimiz oldu. CəbrayılZəngilanın birləşdiyi yerdə şəhid olanlarımız çox idi. İnşallah, həmin yerdə xatirə abidəsi ucaldılar”.

O bildirib ki, Zəngilanda bayraq qaldırılan yerdə 144 nömrəli Texniki Peşə məktəbi olub:

“Otaqlarda sərbəst güləş üzrə idman zallarımız vardı. Müharibə başlayanda Qərbi Azərbaycandan qovulan insanlar üçün yataqxana kimi istifadəyə verildi”.(oxu.az)

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Laçında 200 erməni saxlanılıb - Rus sülhməramlılarına "xidmət" etmək üçün

Liparityan: “İlham Əliyevlə 3 saat söhbət etdik, ən xırda detalları bilirdi”

“Qarabağ ermənilərinin kütləvi dönüşü olmazsa...“ - Jirayr Liparityan

Azərbaycanda Qələbə paradı keçiriləcək - Vaxtı açıqlandı

Türkiyə və Rusiya Qarabağla bağlı anlaşdı - Türklər gəlir...

Bir qrup hərbi qulluqçu səfərbərlik üzrə hərbi xidmətdən tərxis ediləcək - Sərəncam

Şəhid ailələri və qazilərə veriləcək təqaüdlərin məbləği bilindi - Rəsmi

Qazaxın işğal olunmuş 7 kəndi ilə bağlı açıqlama

Ofşor şirkətindən ödəmə və Əhməd Əhmədzadənin oğluna məxsus milyonluq mülk

Ermənistan Tehranın təklif etdiyi planı qəbul etmədi, Azərbaycan isə... – İran səfiri

Pentaqondan Azərbaycan ordusunun Qarabağ döyüşü təcrübəsini öyrənmək üçün daha bir qərar

loading...

Ən çox oxunanalar