Bazar ertəsi, 17 Fevral 2020
USD : 1.7
EUR : 1.8724
Hava
+10 ° Baku
+8 ° Quba
+8 ° Qusar
+17 ° Gəncə
+14 ° Lənkəran
+9 ° Naxçıvan
+16 ° Salyan
+16 ° Şəki

Yunanıstan polisi 1,2 ton kokaini ölkəyə gətirən 8 əcnəbini ələ keçirib

Yunanıstan polisi 1,2 ton kokaini müsadirə edib. Əməliyyat zamanı Karib hövzəsi ölkələrindən Avropaya və şimal-qərbi Afrikaya kokain gətirən beynəlxalq cinayət təşkilatının üzvü 8 əcnəbi həbs edilib

APA “RİA Novosti”yə istinadən xəbər verir ki, bu barədə yunan polisindən bildirilib.

Bildirilir ki, bu, narkotiklərlə mübarizə şöbəsinin ən böyük əməliyyatlarından biridir. Cinayət təşkilatı sistemli şəkildə Karib hövzəsi ölkələrindən Avropa və şimal-qərbi Afrikaya mühüm miqdarda kokaini dəniz yolu ilə göndərib.

Əməliyyat ABŞ-ın Afinadakı səfirliyinin Narkotiklərlə Mübarizə İdarəsi (DEA), həmçinin Albaniya və İspaniya polisi ilə Yunanıstan Maliyyə Nazirliyi maliyyə polisi və Yunanıstanın Sahil Mühafizəsinin Narkotiklər və İnsan Alverinə qarşı Mübarizə Şöbəsinin birgə əməkdaşlığı çərçivəsində altı aydan çox davam edib. Polis əməliyyatları yanvarın 24-də eyni vaxtda Attikanın bir neçə bölgəsində həyata keçirilib.

Əməliyyat çərçivəsində 1 ton 181 kiloqram narkotiki yaxtada Yunanıstana gətirərək “qara bazar”a çıxarmağa hazırlaşan 8 əcnəbi həbs olunub, onlardan bir revolver, üç tapança, bir “Kalaşnikov” avtomatı, çox sayda müxtəlif kalibrli silah ələ keçirilib. Daha doqquz nəfərin şəxsiyyəti müəyyənləşdirilib, hazırda Yunanıstanda və xaricdə onlara qarşı əməliyyat-axtarış tədbirlərinə başlanılıb.

Polisin bildirdiyinə görə, saxlanılanlardan biri 2010-cu ildə əlbir olduğu bir şəxslə birgə Yunanıstandakı həbsxanadan qaçıb, onu tutmaq istəyərkən polisə atəş açıb və onlara beş əl qumbarası atıb. Digər biri isə 2000-ci ildən bəri silahlı qarət, narkotik ticarəti və adam öldürməyə cəhə görə beş dəfə tutulub.

pia.az

Hostimul.com
Paylaşılan hostinq, fiziki server, VPS və ya reseller hostinqa ehtiyacınız olarsa, təklif etdiyimiz hostinq xidmətləri ilə nəinki layihənizə uyğun bir hostinq məhsulu seçib, həm də veb-saytınızı lazımi qorunma ilə təmin edə bilərsiniz. Ətraflı məlumat üçün daxil olun: https://hostimul.com/az/hosting-azerbaycan/

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: Kokain


loading...

Ən çox oxunanalar