Yevlaxda anım mərasimi keçirildi

Rayon sakinləri şəhərin baş meydanında Heydər Əliyevin abidəsini ziyarət ediblər. Həmçinin ehsan süfrəsi açılıb. Yevlax Şəhər İcra Hakimiyyətinin başçısı Anar Tağıyev dünya şöhrətli siyasətçi Heydər Əliyevin xalqımız və dövlətçiliyimiz üçün gördüyü böyük işlərdən danışıb.

Bildirib ki, ölkəmiz üçün kifayət qədər mürəkkəb sayılan taleyüklü bir dönəmdə xilaskarlıq və quruculuq missiyasını şərəflə yerinə yetirən, müasir Azərbaycanın memarı olan ulu öndər Heydər Əliyev bəşəriyyətin yetişdirdiyi ən böyük şəxsiyyətlərdən biri kimi tarixdə silinməz iz qoyub. “Heydər Əliyev elə düha idi ki, bütöv bir xalqın taleyi məhz onun fəaliyyəti, cəsarəti, mübarizəsi, nurlu əməlləri ilə həll edilirdi.

Həyatının mənasını xalqa və dövlətə xidmətdə görən böyük öndər Heydər Əliyev hər zaman minnətdarlıqla xatırlanacaq”.

pia.az