Xərçəng ürək-damar xəstəliklərindən sonra ən çox ölümlə nəticələnən bəladır
Bu xəstəlikdə genetika 5-10 faiz rol oynasa da, əsas göstərici ətraf mühitdən asılıdır. Burada da daha çox yediyimiz qidalar önəm kəsb edir. Dolayısı ilə sağlam qidalanmaqla xərçəngdən qorunmaq mümkündür. Bundan əlavə hər gün 30 dəqiqə davamlı yerimək də effektlidir.
Türkiyəli dietoloq Özge Öçalın düzgün qidalanaraq xərçəngdən qorunma ilə bağlı açıqlamasını təqdim edir.
Meyvə-tərəvəzdən çox istifadə etmək lazımdır.
Kişilər qadınlara nisbətən daha çox meyvədən istifadə etməlidir.
Həftədə 2-3 gün balıq məhsulları yeyilməlidir.
Aparılan araşdırmalara görə, sağlamlığa çox müsbət təsir göstərən Omeqa-3 yağı ilə zəngin balıq məhsullarından istifadə etməklə xərçəngin qarşısını almaq mümkündür.
Qırmızı ətdən az istifadə edin.
Həddindən artıq qırmızı ət yemək mədə xərçənginə səbəb ola bilər. Buna görə də ondan həftədə 2 dəfə, 350 qramdan çox olmamaqla istifadə edin.
Süd məhsullarına müraciət edin.
Bakteriyalar daim bağırsaqda aktiv haldadır. Düzgün qidalanmama, siqaret, stress və spirtli içkidən istifadə aktivliyi daha da sürətləndirir. Buna görə də yoqurt və qatıqdan istifadə etmək tövsiyə olunur. (publika.az)
pia.az
Digərxəbərlər
Populyar xəbərlər
