Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Xankəndi “Stepanakert” kimi qalacaq? - Açıqlama

Müzəffər  Milli Ordumuzun son 44 günlük  savaşı sayəsində Azərbaycan Respublikasının işğal altındakı torpaqlarının böyük bir hissəsini  azad etməsindən və Ermənistanın işğal altında qalan daha 3 rayonumuzun ərazisindən qəsbkar qoşunlarını çıxardacaqları barədə məlum üçtərəfli razılaşmaya imza atmasından sonra, eləcə də bölgəyə Rusiya sülhməramlı qoşununun yeridilməsindən sonra ictimaiyyətdə  bir sıra əndişələr yaranıb. Belə narahatçılıqlardan biri də keçmiş “Dağlıq Qarabağ” adlanan  ərazidə Milli Ordumuzun tam nəzarətində olmayan Xankəndi, Xocalı, Əsgəran, Ağdərə, Xocavənd ərazilərində Azərbaycan idarəçiliyinin necə qurulacağı ilə əlaqədardır.

PİA.az xəbər verir ki, mövzu ilə bağlı açıqlamasında 1989-1991-ci illərdə isə Xankəndində keçmiş Dağlıq Qarabağ Muxtar Vilayəti  Daxili İşlər İdarəsinin rəis müavini kimi çalışmış istefada olan polis polkovniki Sadir Məmmədov bəzi məsələlərə aydınlıq gətirib.

“Əvvəla, inanmıram ki, bundan belə ermənilər arasında  “Dağlıq Qarabağ” adlanan əraziyə çox  qayıdan olsun. Uzaqbaşı, Ermənistanda və ya xaricə köçüb orada yaşamaq imkanı olmayan az sayda erməni qayıdacaq.

İkincisi də, cənab Prezident, Ali Baş Komandan İlham Əliyev açıq şəkildə bəyan etdi ki,  Azərbaycan vətəndaşlığını qəbul edərək  Qarabağda qalacaq ermənilərə heç bir status verilməyəcək. Odur ki, Xankəndidə də, Xocalıda da, Əsgəranda da, Ağdərə də, Xocavənddə də  Bərdə, Kürdəmir, Ağdaş və s. rayonlar kimi Azərbaycan Respublikasının idarəçiliyi olacaq. Yəni buradakı polis də, təhlükəsizlik, icra strukturları da və s. öz müstəqil dövlətimiz tərəfindən qurulacaq.

Üçüncüsü, Xankəndinin adının rəsmən dəyişdirilməyəcəyini, yəni elə “Stepanakert” qalacağını ehtimal edənlər savadsızdırlar. Çünki ən azı, onu düşünmək gərəkdir ki,  “Stepanakert” 1918-ci ildə  Azərbaycanın müsəlman, türk əhalisinə qarşı genosid həyata keçirmiş, yüz minlərlə soydaşımızın qətlinə bais olmuş Stepan Şaumyanın adı verilib. Kimlərsə düşünürsə ki, Azərbaycan dövləti öz tabeçiliyində olan tarixi şəhərdə bir qaniçənin adının qalmasına razı olacaq - onlar savadsızdır”- deyə 1991-ci ildə Xankəndindini sonuncu tərk etmiş rəsmilərdən biri olan keçmiş polis polkovniki vurğulayıb. (moderator.az)

pia.az


Etiket: Xankəndi

Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Məşhur avtomobil markasının Azərbaycanda istehsal tarixi açıqlandı 

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

Ramazan ayının doqquzuncu gününün imsak, iftar və namaz vaxtları    

Nömrəsini sərnişinə vermək istəyən sürücü cəzalandırıldı - Açıqlama

“Qarabağ”ın baş məşqçisi cəzalandırılıb

Növbəti köç karvanı Füzuli şəhərinə çatıb, mənzillərin açarları təqdim olunub - Yenilənib

Ən çox oxunanalar