Cümə axşamı, 02 İyul 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Vahid Əhmədov həmkarları tərəfindən hədəfə götürülüb? - Deputatın çıxışı Səfər Əbiyevlə əlaqələndirilir...

Milli Məclisin bugünkü iclasında Müdafiə naziri Zakir Həsənov və Baş Qərargah rəisi Nəcməddin Sadıkovu tənqid edən deputat Vahid Əhmədova həmkarları tərəfindən sərt reaksiyalar davam edir...

Günorta fasiləsindən sonra davam edən iclasda deputatların çıxışları əsasən Vahid Əhmədova həsr olunub.

Belə ki, Siyavuş Novruzov və Bəxtiyar Əliyevin ardınca deputat Fəzail Ağamalı, Birinci vitse-spiker Əli Hüseynli və vitse-spiker Fəzail İbrahimlidə V.Əhmədovu sərt tənqid ediblər.

F.Ağamalı həmkarını keçmiş Müdafiə naziri Səfər Əbiyevə bağlayaraq, dolayısilə onu sifarişlə danışmaqda ittiham edib: “Bundan əvvəlki Müdafiə nazirinin dövründə əsgərlərin çəkmələrini valideynlər alırdı. O pullar da ayrı-ayrı ciblərə gedirdi”.

O bildirib ki, valideynlər görüş keçirmək üçün pullar ödəyirdi: “Bu gün Müdafiə Nazirliyi öz işini yüksək səviyyədə qurur. Aprel döyüşlərini aparan Müdafiə Nazirliyinə bunu demək düzgün deyil”.

“Çox təəssüf olsun ki, sizin buradakı çıxışınızda həmkarlarınızı regionlara bölməyə cəhd etdiniz”. APA-nın məlumatına görə, bunu isə Milli Məclisin Sədrinin birinci müavini Əli Hüseynli Vahid Əhmədovun çıxışına cavab verərkən deyib.

Vitse spiker bildirib ki, bu zalda oturan deputatlar əli silahlı döyüşən Elman Məmmədovdan tutmuş, sözü ilə beynəlxalq təşkilatlarda mübarizə aparan Tural Gəncəliyevə qədər hər kəs özünü qarabağlı kimi hiss edir: “Hər kəs burada Qarabağ deputatıdır. Siz burada nahaq yerə Ali Baş Komandanın tapşırıqlarını şərəflə yerinə yetirən, Aprel zəfərimizdə xüsusi xidmətləri olan Müdafiə nazirini və nazirliyin fəaliyyətini şübhə altına qoymağa cəhd etdiniz. Bu baxımdan birmənalı bildirirəm ki, nəinki Yeni Azərbaycan Partiyasının üzvü olan deputatlar, bitərəflər və digər siyasi partiyaların üzvləri də bu mövqedədirlər ki, biz hansısa şəxsi maraqlarımız naminə ümumdövlət, Dağlıq Qarabağ məsələsi və müdafiə kimi məsələlərdə heç zaman başqa mövqe tutmalı deyilik”.

Spiker Sahibə Qafarova da çıxış edərək bildirib ki, Əli Hüseynlinin fikri ilə onun və müavinlərinin fikri eynidir.

Qeyd edək ki, V. Əhmədov parlamentin bugünkü iclasında Müdafiə naziri Zakir Həsənovun ünvanına tənqidi fikirlər səsləndirib. Z.Həsənov və Nəcməddin Sadıkovun Azərbaycan dilini bilmədiklərini deyən deputat əlavə edib: “Biz susduq. Xocalı aeroportunda Sarkisyan açılışda iştirak etmək istəyirdi. O zaman Müdafiə nazirinə müraciət etdilər ki, görüşə problem yaranmasın, ancaq açılış baş tutmadı. Sən müdafiə nazirisən. İndi də Şuşayla bağlı müəyyən addımlar atmağa ehtiyac var idi. Biz elə bil kimdənsə qorxmalıyıq. Mən demirəm ki, silah atəşi açaq, amma heç olmasa, müəyyən addımlar atmalıydıq”.

“Şimaldan, cənubdan, şərqdən və qərbdən uzanan iti caynaqlar və baxışlar bizi kifayət qədər məsuliyyətli olmağa çağırır”.

“Report” xəbər verir ki, bunu da Milli Məclis Sədrinin müavini Fəzail İbrahimli parlamentin bu gün keçirilən plenar iclasında deyib.

Onun sözlərinə görə, Azərbaycanın kifayət qədər düşmənləri var:

“Belə bir məqamda bizim özümüzdən başqa, bir-birimizə söykənib, əl-ələ verib bu çətin məqamlarda ən çətin vəziyyətdən çıxmaq yolu birliyimizdədir. Burada yeni seçilən deputatlar var. Təbii ki, düşüncələrində və fikirlərində səhvlərə yol verə bilər. Bizim kifayət qədər təcrübəli deputatlarımız da var. Müəyyən məsələlər var ki, o məsələlərdə çox diqqətli olmalıyıq. Burada deyilən hər bir söz dünya ictimaiyyətinə çatır və qarşı tərəfə bir mesajdır. Ona görə də hər bir sözümüzü ölçüb-biçməliyik. Millətimiz, dövlətimiz, sərhədimiz və hərbimiz haqqında danışanda yüz ölçüb bir biçmək lazımdır”.(azpolitika.info)

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627



Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

“Bu, karantin rejiminin daha da sərtləşdirilməsi deməkdir” - DİN-dən açıqlama

Səhiyyə Nazirliyinin sevimli şirkəti 4,8 milyard vergi borcunu dövlətə ödəyibmi? - Tükürpədici faktlar..

Baş Nazir Əli Əsədovdan icra başçılarına yeni tələb - Operativ Qərargahın videomüşavirəsi keçirilib

Vidadi Zeynalovun xaricdə şirkəti üzə çıxdı - Sənədlər

Qurban bayramında 4 gün iş olmayacaq - Baş Nazirdən qərar

“Milli Məclisdə oturub qadağaları sadalamaqla iş bitmir” – Xalq artisti

“Azərsu” sədri su qıtlığı barədə: “Bir sıra mənbələr tikililərin altında qalıb”

Sabahdan Bakının küçə və prospektlərdə quraşdırılmış polis postları ləğv ediləcək - Rəsmi

Koronavirus zamanı immuniteti gücləndirmək üçün 20 qəpiklik çarə

loading...

Ən çox oxunanalar