Çərşənbə, 29 İyun 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

“Ümid-1” yatağında qaz hasilatı artırılacaq

Azərbaycan Respublikasının neft-qaz sənayesində əhəmiyyətli yeri olan Ümid-Babək layihəsi çərçivəsində “Ümid-1 Stasionar Dəniz Özülündə (SDÖ) hasilatın sürətləndirilməsi” layihəsi üzrə işlər uğurla davam etdirilməkdədir.

Azərbaycan Respublikası Dövlət Neft Şirkəti (SOCAR) tərəfindən icra edilən layihə şirkətin tarixində beynəlxalq təcrübəyə əsaslanan, innovativ texnologiyaları və müasir avadanlıqları tətbiq etməklə həyata keçirilən ilk layihələrdəndir. Layihənin əsas hədəfi “Ümid-1” özülündən nəql sisteminin məhdudiyyətlərini aradan qaldırmaq və yeni quyuları qazmaqla hasilatı artırmaqdır.

İlkin hesablamalara görə Xəzər dənizində yerləşən Ümid qaz yatağının ümumi ehtiyatı 200 milyard kubmetr qaz və 40 milyon kubmetr kondensat həcmindədir.

Yataqdan cari nəql xətlərində məhdudiyyətləri nəzərə alaraq, gündəlik 3 milyon kubmetr qaz və 470 ton (3600 barel) kondensat hasil olunur və SOCAR-ın texnoloji sistemi ilə Daşgil terminalına nəql etdirilir. “Ümid-1 Stasionar Dəniz Özülündə (SDÖ) hasilatın sürətləndirilməsi” layihəsi reallaşdırıldıqdan sonra gündəlik təhlükəsiz qaz hasilatının 8,1 milyon kubmetrə, kondensat hasilatının isə 1200 tona (9000 barel) qədər artırılması nəzərdə tutulub.

2019-cu ildən etibarən həyata keçirilən və “Umid Babek Operating Company” əməliyyat şirkətinin (UBOC) ölkəmizdəki filialı tərəfindən reallaşdırılan bu layihə üzrə dənizdən quruya doğru Ümid yatağından Səngəçal Baş Qurğularına (SBQ) qədər təqribən 100 kilometr məsafəni əhatə edən böyük ərazidə çox mühüm mərhələnin bir hissəsi uğurla yekunlaşıb.

“Ümid-1 SDÖ-dən hasilatın sürətləndirilməsi” layihəsi çərçivəsində hər biri ayrılıqda böyük əhəmiyyət kəsb edən önəmli işlər görülür. Belə ki, Ümid-1 SDÖ-də aparılan yenidənqurma, uzunluğu 54 kilometr olan 20 düymlük (500 millimetr) sualtı nəql xəttinin və onun quruda olan təqribən 3,7 kilometr hissəsinin çəkilməsi, Daşgil-2 terminalından qaz nəql xəttinin tikintisi, Səngəçal Baş Qurğularında (SBQ) SOCAR-ın qaz nəql sisteminə birləşmə məntəqəsi üzrə işlər qrafikə uyğun olaraq davam etdirilir. Hazırda “Ümid-1” SDÖ-də və quruda aparılan işlər son tamamlanma mərhələsindədir.

“Ümid-1” SDÖ-dən qazın sahilə çatdırılması üçün nəql xəttinin sualtı hissəsinin tikintisinə bu ilin aprel ayında “İsrafil Hüseynov” borudüzən gəmisi vasitəsilə başlanılıb. Layihənin ən çətin hədəflərindən biri olan quruya yaxın yerləşən 2,1 kilometrlik boru xəttinin çəkilməsi artıq tamamlanıb.

Bu hədəfə çatmaq üçün UBOC-un peşəkar layihə idarəetmə heyəti podratçı BOSS PİC şirkətinin əməkdaşları ilə birgə bütün çətinliklərin öhdəsindən uğurla gəlib. Qısa müddət ərzində uzunluğu təqribən 2,2 kilometr, eni 15 metr olan qoruyucu torpaq bənd (damba) inşa olunub.

Layihə işlərində müvafiq dövlət qurumları, yerli və beynəlxalq subpodratçılar (SOCAR-ın “Neftqaztikinti” tresti, SOCAR Dalğıc, Wood Group, Jan De Nul, Saipem, Oceaneering) iştirak ediblər. Artıq işlərin növbəti mərhələsinə start verilib və “Ümid-1” SDÖ-dən sürətləndirilmiş hasilatın ölkənin ümumi qaz təchizatı şəbəkəsinə qoşulmasının uğurla başa çatdırılması gözlənilir.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

"Əri içib, ona şəkil atıb ki..." - Özünü binadan atan həkimin iş yoldaşları nələr danışdı? - Yenilənib

Səfər Mehdiyev məşhur idmançının qarşısında şərt qoydu

Cinsi əlaqənin olmaması qadınlara necə təsir edir? - 5 xoşagəlməz nəticə

Putin “ağır çəkili” generalı təqaüddən geri çağırıb – Ukraynadakı rus generalları bir-bir sıradan çıxır - Fotolar

Paşinyanı parodiya edən aktyor: “Təbii alınması üçün çox çalışırdım” - Foto

“Dövlət qulluqçularının əmək pensiyasının yenidən hesablanması Qaydaları”nda dəyişiklik edilib

Azərbaycanın məşhur supermarketlər şəbəkəsi bir ildə cəmi 8 min manat qazanıb? - Bu nə qədər inandırıcıdır?..

Rusiyada zorən defolt seriyaları başlayır... - Hökümətin mövcud durumu idarə edə bilmək imkanları varmı?

Bu gün vəfat edən Cüneyt Arkının vəsiyyəti açıqlandı - Yenilənib, Video

Gəncədə dəhşət: Küçədə həyat yoldaşı tərəfindən öldürülən qadına heç kim kömək etmədi

Pensiyası az olan şəxslərə müavinət təyin olunması barədə qanun imzalanıb

Rüşvətə görə həbs edilən vəzifəli şəxslərə hökm oxundu

Ən çox oxunanalar