Çərşənbə, 25 May 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Ukrayna-Rusiya müharibəsinin ilk qurbanı Almaniya Hərbi Dəniz Qüvvələrinin baş komandanı oldu

Krımın Ukraynaya qaytarılmasının mümkünsüzlüyü ilə bağlı fikir bildirdiyi üçün Almaniya Hərbi Dəniz Qüvvələrinin baş komandanı, vitse-admiral Kay-Axim Şönbax istefa vermək məcburiyyətində qalıb.
 
Ovqat.com-un məlumatına görə, faktı baş komandanın özü rəsmən bəyan edib.
 
O, yanvarın 22-də Bundesverin (Almaniya Silahlı Qüvvələri) rəsmi saytına verdiyi açıqlamasında bildirib ki, istefa ərizəsini artıq Müdafiə naziri Kristina Lambrextə təqdim edib.
 
“Mən indicə Federal Müdafiə Nazirindən xahiş etdim ki, məni Dəniz Qüvvələrinin Baş Komandanı vəzifəsindən dərhal azad etsin. Federal nazir vəsatətimi təmin etdi”, - deyə Şönbax açıqlamasında bildirilib.
 
Şönbax istefa ərizəsini yazmasının səbəbini belə əsaslandırıb: "Alman donanmasına, Bundesverə və ilk növbədə Almaniya Federativ Respublikasına daha çox ziyan vurmamaq üçün mən bu addımı atmağı zəruri hesab edirəm".


 
Açıqlamaya görə, Hərbi Dəniz Qüvvələrinin yeni baş komandanı seçilənə qədər onun vəzifələrini müavini kontr-admiral Yan Kristian Kaak yerinə yetirəcək.
 
Şonbax bir müddət əvvəl Hindistanın Manohar Parrikar adına Müdafiə Araşdırmaları və Təhlili İnstitutunda (IDSA) çıxış edərkən Krımın Ukraynaya “heç vaxt qayıtmayacağı”nı bildirmişdi.
 
Qeyd edək ki, bundan əvvəl Almaniyanın müdafiə naziri Kristina Lambrext nazirliyin baş müfəttişi Eberhard Zorn və onun ictimaiyyətlə əlaqələr üzrə baş müşavirini Şönbaxla necə davranılmasını müzakirə etmək üçün təcili video-konfransa çağırmışdı. Videokonfransda aparılan müzakirələr nəticəsində siyasətçilər bu qərara gəlmişdilər ki, bazar ertəsi, yanvarın 24-də Şönbaxdan izahat alınsın və o, dediyi sözlərə görə ictimaiyyət qarşısında üzr istəsin. Bu qərardan sonra Şönbax Twitter-də paylaşdığı bəyanatında üzr istəmişdi də.

"Səhvən vəziyyəti lazımınca qiymətləndirmədim, bunu etməməliydim. Burada şərh ediləcək bir şey yoxdur, bu, açıq-aydın səhv idi", - Şönbax twit-bəyanatında yazmışdı. O, bildirmişdi ki, Krımla bağlı səsləndirdiyi fikirlər şəxsi düşüncəsidir və heç bir halda Almaniya Müdafiə Nazirliyinin rəsmi mövqeyini ifadə etmir.  Görünür, Şönbaxın bu sözləri Bundesveri tam qane etməyib, ondan daha açıq şəkildə üzr istəməsi tələb olunub. Şönbax isə bundan artıq üzrxahlığı zabit qüruruna yedirə bilməyib və bazar ertəsini gözləmədən istefa ərizəsi yazmağa qərar verib.
 
Şönbaxın sonunu gətirən əsas amil Ukraynanın israrçılığı olub. Rəsmi Kiyev Almaniya hökumətindən Şönbaxın öz bəyanatını açıq şəkildə təkzib etməsini istəyirdi. Belə aydın olur ki, Berlin Kiyevin daha artıq basqılarına məruz qalmamaq üçün Şönbaxı iş həftəsinin başlamasını gözləmədən qurban vermək məcburiyyətində qalıb.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

Bakının bu qəsəbəsindən 4 qızı aparıb xaricdə satdılar

Prezident Cavid Qurbanovu nazir müavini təyin etdi

"Çox keçməz ki, Rusiya qarşısında qalib Ukraynanı görəcək" - Qubad İbadoğlu

Mövlam Şıxəliyevin səs yazısı açıqlanıb, məhkəmədə ara qarışıb

Cavid Qurbanov “Azərbaycan Dəmir Yolları” QSC-nin sədri vəzifəsindən azad edilib

Prezidentin təyin etdiyi yeni nazir müavini kimdir? - Dosye

Samir Məmmədov rəqəmsal inkişaf və nəqliyyat nazirinin müavini təyin edilib

Naxçıvan xariqələri: Muxtar Respublikada mebel monopoliyasına Iğdırlı iş adamı baxır

Rusiya Xarici İşlər Nazirliyi “yalan və nifrət nazirliyinə” necə çevrildi

Azərbaycanla Ermənistan arasında sərhədin delimitasiyası üzrə Komissiyanın ilk görüşü keçirilib

Ən çox oxunanalar