Bazar, 22 Sentyabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

Ucarda “DOST” vasitəsi ilə büdcə talanı - Rusiyada çalışanlar Azərbaycanda maaş alır...

Ucar sakinləri: “Vəzifəli şəxslər öz maddi maraqlarına görə saxtakarlıqlar edib “DOST” İş Mərkəzi MMC-ni kasıb işsiz insanlara düşmən ediblər...”

Uzun illərdir ki, prezident İlham Əliyevin sosial siyasəti mərkəzi və yerli məmurlar tərəfindən sabotaj olunur və prezidentin sosial layihələri məmurların qazanc yerinə çevrilir. Əhalinin rifahının yüksədiləməsi və ehtiyacı olan insanlara dövlət yardımını çatdırmaq üçün prezident İlham Əliyevin sosial layihələrindən hər il külli miqdarda pul qazanan məmurlar həmin sosial proqramları puç etməklə yanaşı, eyni zamanda dşvlətin sosial yardımına ehtiyacı olan minlərlə insanı hakimiyyətdən və ölkə prezidentindən narazı salırlar. Bariz nümunə olaraq Ucar sakinlərinin PİA.az-a ünvanladıqları şikayət məktbunda göstərilən faktları göstərmək olar.

Qeyd edək ki, aşağıda təqdim etdiyimiz məktubda göstərilən faktları əlaqədar dövlət qurumlarının araşdırmaları vacibdir. Bu həm də prezidentin sosial proqramlarını sobataj edib qazanc mənbəyinə çevirən məmurların qarşısının alınması üçün zəruridir. Eyni zamanda məsələyə əlaqədar dövlət qurumlarının müdaxiləsi sosial proqramların cəmiyyətə yararlı olması üçün gərəkdir.

PİA.az Ucar rayonundan daxil olan şikayət məktubunu olduğu kiimi təqdim edir:

Ucar rayon sakinləri tərəfindən

ŞİKAYƏT

Ucar rayonunda rəhbər vəzifəli şəxslər korrupsiya şəbəkəsi yaradıb “DOST” İş Mərkəzi MMC-nin xətti ilə adları məlum olmayan şəxslərin adlarını idarə və müəssisələrə işə yazdırıb maaş kartlarını ciblərinə qoyub dövlətin vəsaitini talan edirlər. Nəticədə də biz işsiz qalmışıq aclığa, yoxsulluğa məhkum olunmuşuq.

Ölkədə işsizliyin aradan qaldırılması üçün prezident cənab İlham Əliyev sərəncamlar imzalayır, müvafiq tapşırıqlar verir. Bunlardan biri də “DOST” İş Mərkəzinin yaradılması oldu. Prezident cənab İlham Əliyev “DOST” İş Mərkəzi MMC-ni ona görə yaratdı ki, yerlərlə işsiz əhali işlə təmin olunsunlar, əmək haqqı alıb ailələrini dolandırsınlar. Ancaq Ucar rayonunda rəhbər vəzifəli şəxslər bundan sui-istifadə edib saxtakarlıqlar edib talançılıqla məşul olub vətəndaşlarda kütləvi narazılıqlar yaradırlar. Ucar rayonunda rəhbər vəzifəli şəxslər öz maddi maraqlarına görə saxtakarlıqlar edib “DOST” İş Mərkəzi MMC-ni kasıb işsiz insanlara düşmən ediblər.

Ucar_%C5%9F%C9%99h%C9%99rinin_Bak%C4%B1-Qazax_magistral%C4%B1ndan_giri%C5%9Fi.jpg" width="2576" height="1932" />

“DOST” İş Mərkəzi MMC-nin xətti ilə Ucar rayon Kommunal Müəssisələri Kombinatına bu il 540 nəfər, digər idarə və müəssisələrəisə 300 nəfər işə qəbul olunub. Onlardan yalnız 30-40 nəfər havadarı olmayan zəhmətkeş işçi gündəlik Kommunal Müəssisələri Kombinatına işə gəlsə də qalan 500 nəfəri işə gəlməyib və hər ay aldıqları əmək haqqının 100 manatını vəzifəli şəxslərə haqq verirlər. Hətta həmin işçilərin əksəriyyəti bir neçə aydır Azərbaycan Respublikasından kənarda Rusiyada və digər xarici ölkələrdə yaşasalarda onlara hər ay əmək haqqı yazılır və həmin əmək haqqının yarısı rəhbərliyə verilir. Bu isə qanunda nəzərdə tutulmuş a korrupsiya cinayət əməlidir. Bunu isə subut etmək çox sadədir. Belə ki, “DOST” İş Mərkəzi MMC-nin xətti ilə Ucar rayon Kommunal Müəssisələri Kombinatında işlə təmin olunmuş şəxslərin adları olan siyahı Dövlət Sərhəd Xidməti vasitəsi ilə yoxlamaq yetərlidir. O zaman tam subut olunacaq ki, “DOST” İş Mərkəzi MMC-nin xətti ilə Ucar rayon Kommunal Müəssisələri Kombinatında işlə təmin olunmuş şəxslərin əksəriyyəti ölkədən kənardadırlar. Buna baxmayaraq onların adı işdə gedir və onlara hər ay maaş yazılır.

Həmin şəxslərin hansı tarixdən Azərbaycan Respublikasını tərk etmələri və həmin tarixlərdə əmək haqqı almaları obyektiv yoxlanılmalıdır. Bundan sonra isə adı işdə gedən, özləri isə ölkədən kənarda olan şəxslərin “Kapital” Bank ASC-nin bankomatı vasitəsi ilə hər ay maaş aldıqları yoxlanılsın. Belə olan halda dövlət büdcəsini talan edən vəzifəli şəxslərin cinayət əməlləri tam subut olunacaq.

Həmçinin qalan 300 nəfər işçini isə heç kəs tanımır, onların adları işçi kimi qeyd edilib, ancaq maaş kartları yuxarı vəzifəli şəxslərin cibindədir. Bunu Ucar rayonunda idarə müəssisə rəhbərləri əlbir olub ediblər. Bu işdə onlara şərait yaradan rəhbər vəzifəli şxslərdə var ki, bu yolla talan edilən küllü miqdarda vəsait onların arasında bölünür.

Bu talançılıq cinayətinin kökündə rəhbər vəzifəli şəxslər dayanır. Hətta “DOST” İş Mərkəzi MMC-nin direktoru Niyazi Rəhimovunda bundan məlumatı var və talançılıq yolu ilə əldə olunan vəsaitin müəyyən hissəsi ona ötürülür, deyə o, bu barədə heç bir tədbir görmək istəmir.

Prezident cənab İlham Əliyev “DOST” İş Mərkəzi MMC-ni yaratmaqda məqsəd işsiz kasıb təbəqənin işlə təmin edilməsi idi. Ancaq Ucar rayonunda korrupsioner məmurlar bu siyasətin qarşını alaraq kasıb təbəqənin haqqını mənimsəyib dövlət vəsaitini talan edirlər.

Təsəffür edin ki, “DOST” İş Mərkəzi MMC-nin xətti ilə Ucar rayon Kommunal Müəssisələri Kombinatına 540 nəfər Ucar rayon sakini olan şəxslər işə qəbul olunsalar da onların yalnız 30-40 nəfəri gündəlik işə gəlir. Qalan 500 nəfərinin maaş kartları isə vəzifəli şəxslərin cibindədir. Əhalinin əksər hissəsi işsizlikdən əziyyət çəkir yoxsulluq həddində yaşayırlar. Adları işə yazılıb özləri işə gəlməyən, xaricə yaşayan şəxslər isə vəzifəli şəxslərin qohumları, tanışlarıdırlar. Gündəlik işə çıxanlar isə ailəsini dolandıran zəhmətkeş insanlardır.

Onuda qeyd edək ki, “DOST” İş Mərkəzi MMC-nin xətti ilə Ucar rayon Kommunal Müəssisələri Kombinatına 540 nəfər şəxsin kimliyinin yoxlanılmadan adının işə yazılmasında Ucar rayon Məşğulluq Mərkəzinin böyük rolu var. Hansı ki, uzun müddət adı iş axtaran kimi Ucar rayon Məşğulluq Mərkəzində qeydiyyata alınan şəxslər işlə təmin olunmadı ancaq adı iş axtaran kimi qeydiyyata alınmayan şəxslər isə bir zənglə dərhal işlə təmin olundular. Bunu isə rəhbər vəzifəli şəxslər edib həmin şəxslərin maaş kartlarını alıb ciblərinə qoydular. Hətta “DOST” MMC-nin xətti ilə “DOST” İş Mərkəzi MMC-nin xətti ilə Ucar rayon Kommunal Müəssisələri Kombinatına bir imkanlı ailənin 4 üzvü işə qəbul olunub ki, həmin ailənin üzvüləri bir gündə olsun işə gəlməyiblər ancaq maaş alırlar. Belə faktlar çoxlu saydadır ki, yoxlanılmasına zərurət var.

Rayon sakinləri çox istəyirlər ki, “DOST” İş Mərkəzi MMC-nin xətti ilə Ucar rayon Kommunal Müəssisələri Kombinatına və digər idarələrə işə qəbul olunan şəxslərin adları açıqlansın, siyahı ictimailəşsin. Bunu isə rəhbər vəzifəli şəxslər istəmirlər ona görə ki, həmin adlar açıqlanarsa biabırçlıq olacaq. Çünki yuxarıda qeyd etdiyimiz kimi həmin şəxslər rəhbər vəzifəli şəxslərin yaxın-uzaq qohumları, qonşuları, tanışlarıdır. Həmin şəxslərin çoxu heç tanımır ki, Ucar rayon Kommunal Müəssisələri Kombinatı və ya adı işdə gedən idarə harada yerləşir onun işinin adı nədir. Sadəcə iş stajı yazılması ilə razılaşıb adları işdə, özləri işə gəlmirlər və maaş kartları həmin rəhbər vəzifəli şəxslərin cibindədir.

Bu korrupsiya cinayətidir ki, obyektiv araşdırılıb təcili və ciddi tədbirlər görülməsinə zərurət var.

Biz işsiz olan və illərlədi iş axtaran Ucar rayon sakinləri mətbuat vasitəsi ilə prezident cənab İlham Əliyevə müraciət edib xahiş edirik bu müraciətmizdə qeyd etdiyimiz korrupsiya faktlarının obyektiv yoxlanılıb korrupsiya cinayəti törədən vəzifəli şəxslərin barəsində qanunu və ciddi tədbirlər görülməsinə tapşırıq verəsiniz.

Bu korrupsiya faktının obyektiv yoxlanılmasına Azərbaycan Respublikasının Baş Prokurorluğu yanında Korrupsiyaya Qarşı Mübarizə Baş İdarəsinin rəisi cənab Kamran Əliyevin, Əmək və Əhalinin Sosil Müdafisə Naziri cənab Sahil Babayevin, “DOST” İş Mərkəzi MMC-nin direktoru Niyazi Rəhimovun fəallıq göstərmələrinə zərurət var.

Ucar rayonunda rəhbər vəzifəli şəxslər öz çirkin maddi maraqlarına görə “DOST” İş Mərkəzi MMC-ni iş axtaran işsiz zəhmətkeş ucarlılara düşmən ediblər.

İmza: Ucar rayon sakinlər

Əliyev Kənan Kərim oğlu

Məmmədov Ramazan Fəttah oğlu

Quliyeva Səmayə İsa qızı

Qədirova Məleykə Nazim qızı

Abdullayev Vaqif Nüsrət oğlu

Əliyeva Könül Usub qızı

Məmmədov Xasay Akim oğlu

Cəbrayılova Dünya Kamil qızı

Tağıyeva Ofeliya Mahmud qızı

Orucov Tahir Paşa oğlu

Hüseynov Fariz Əlimusa oğlu

Kərimova Fatimə Qulu qızı

Paşayev Hüseyn Babaəli oğlu

Gülalıyev Lazım Nazim oğlu

Məmmədov Səxavət Yaqub oğlu

İsmayılov Bəşir Qurban oğlu

İbrahimxəlilov İntiqam Oruc oğlu

Hüseynova Nisə Xəlil qızı

Ələkbərova İradə Məmməd qızı

Rəhimov Böyükağa Abdulla oğlu

Vəliyeva Təranə Fətəli qızı

Səmədov Şahin Mənsim oğlu

Kamilov Cəlil Mahir oğlu

Qasımov Cavid Gülağa oğlu

Əliyeva Sədaqət Mirağa qızı”

Qarşı tərəfin mövqeyini dərc etçəyə hazırıq...

pia.az


loading...