Dövlət Miqrasiya Xidməti 2021-ci ilin yanvar-mart ayları üzrə statistik məlumat yayıb. Novator.az bildirir ki, rəsmi hesabata görə, əcnəbilər və vətəndaşlığı olmayan şəxslərdən Azərbaycanda olduğu yer üzrə qeydiyyatla bağlı 16414 müraciət alınıb.
Müvəqqəti və daimi yaşamaq üçün icazələrin alınması, müddətlərin uzadılması üzrə müraciətlərin sayı 9072, şəxsin Azərbaycan vətəndaşlığına mənsubiyyətinin müəyyənləşdirilməsi üzrə müraciətlərin sayı 4730 göstərilir.
Qanunvericiliyin tələblərinin pozulmasına görə tədbirləri rəsmiləşdirən 1580 qərarın qəbul edildiyi vurğulanır.
323 qərarda tətbiq olunan cəriməni ödəməklə ölkə ərazisini tərk etmək tələbi, 579 qərarda ölkədə yaşamanı qanuniləşdirmək məsələsi yer alıb.
Ölkədən inzibati qaydada çıxarılmaqla inzibati cərimə tətbiqini nəzərdə tutan 34 qərar, ölkəyə girişə məhdudiyyəti nəzərdə tutan 563 qərar verilib.
Azərbaycanda müvəqqəti və daimi yaşamaq üçün icazə sənədinin itirilməsi ilə bağlı 71, əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 9, müvafiq sənədlərin rəsmiləşdirilməsi qaydalarının pozulması ilə bağlı 1 qərar olub.
pia.az
Digərxəbərlər
Populyar xəbərlər
